नेपालले आज आयरल्यान्डको सामना गर्ने

असार २८। विश्वकप ट्वेन्टी–२० छनोट प्रतियोगिताको आप्mनो तेस्रो खेलमा नेपालले आयोजक आयरल्यान्डको समाना गर्दै मैदानमा उत्रने भएको छ । आयरल्यान्डको बेलफास्टमा हुने सो प्रतियोगितामा नेपालले निकै बलियो मानिएको टोली आयरल्यान्डसँग नेपाली समयअनुसार आज  सोमबार बेलुका सात बजे प्रतिस्पर्धा गर्नेछ । दोस्रोपटक विश्वकपमा छनोट हुने लक्ष्यसहित प्रतियोगिताको छनोट चरण खेलिरहेको नेपालले आयरल्यान्डसँग भने पहिलोपटक औपचारिक खेल खेल्न लागेको हो । आधिकारिकरुपमा अहिलेसम्म नेपाल र आयरल्यान्ड आमनेसामने भएका छैनन् । तर गतवर्ष बङ्गलादेशमा भएको विश्वकप टि–ट्वेन्टीको अभ्यास खेलमा भने दुबैको भेट भएको थियो । त्यतिबेला नेपाल आयरल्यान्डसँग पाँच विकेटले पराजित भएको थियो । नेपालले जारी प्रतियोगितामा एक खेलमा जित तथा एक खेल बराबरी खेलको छ । पहिलो खेलमा नेपालले अमेरिकालाई छ विकेटले पराजित गरेको थियो भने दोस्रो खेल नामिबियासँग बराबरी खेलेको थियो । वर्षाका कारण खेल रद्ध भएपछि नेपाल र नामिबियाले अङ्क बाडेका थिए । नेपालले जारी प्रतियोगितामा तीन अङ्क जोडेको छ । आज पाँच टोली एक आपसमा भिड्दै छन् । क्यानडा र ओमन आमनेसामने हुदँैछन् भने आयरल्यान्डले अमेरिकाको समाना गर्दैछ । त्यसैगरी पपुवा न्यूगिनी र जर्सी तथा नेदरल्यान्डस र संयुक्त अरब इमिरेट्स (युएइ) आमने सामने हुदैछन् । समूह ए मा रहेको नेपालले समूह चरणका खेलमा अब आयरल्यान्डसँगै हङकङ, पपुवान्युगिनी र जर्सीसँग प्रतिस्पर्धा गर्नेछ । प्रतियोगितामा शीर्ष छ टोलीले सन् २०१६ मा भारतमा हुने विश्वकप ट्वेन्टी–ट्वेन्टी क्रिकेट प्रतियोगिताका लागि छनोट हुनेछन् ।

बंगलादेशले दक्षिण अफ्रिकालाई ७ विकेटले हरायो

२७ असार, काठमाडौं । दोस्रो एकदिवसीय क्रिकेटमा बंगलादेशले दक्षिण अफ्रिकामाथि ७ विकेटको शानदार जित हात पारेको छ । यससँगै तीन एकदिवसीय श्रृखला १-१ को बराबरी भएको छ ।

मीरपुरमा टस जितेर ब्याटिङ रोजेको दक्षिण अफ्रिकाले ४६ ओभरमा सबै विकेट गुमाएर १६२ रन बनायो । यो उसले बंगलादेशमा बनाएको सबैभन्दा कम स्कोर हो ।

उसका लागि फाफ डुप्लेसिसले ४१ र फरहान बहारडिनले ३६ रन बनाएपनि अन्य ब्याट्सम्यान चल्न सकेनन् । पाहुना टोलीलाई सस्तैमा समेट्ने क्रममा बंगलादेशका मुस्तफिजुर हरमान र नासिर हुसेनले ३-३ विकेट लिए । रुबेल हुसेनले २ तथा महमुदुल्लाह र मार्टाजाले १-१ विकेट लिए ।

जवाफमा मैदान उत्रिएको घरेलु टोलीले २७.४ ओभरमा ३ विकेट गुमाएर लक्ष्य भेट्टायो । उसले पहिलो विकेट भने सस्तैमा गुमाएको थियो । तमिम इकबाल मात्र ५ रनमा आउट भए भने लिटन दास १७ रनमा आउट हुँदा टीमको स्कोर मात्र २४ रन थियो ।

तर, सौम्य सरकारले महमुदुल्लाहसँग तेस्रो विकेटका लागि १३५ रनको साझेदारी गरे । हमुदुल्लाह ५० रनमा आउट भए । सरकार ८८ रनमा अविजित रहे ।

नट आउट रहेका सकिल अल हसनले खाता नै खोल्न सकेनन् ।

विश्वकप छनोटमा नेदरल्याण्डको दोस्रो जित

२६ असार, काठमाडौं । टी-२० विश्वकप छनोट क्रिकेटमा नेदरल्याण्डले दोस्रो जित हात पारेको छ । आइतबार भएको आफ्नो तेस्रो खेलमा नेदरल्याण्डले यूएईलाई ७ विकेटले पराजित गरेको हो ।

पहिलो खेलमा अफगानिस्तानसँग हारेको नेदरल्याण्डले दोस्रो खेलमा आयोजक मध्येको एक स्कटल्याण्डलाई हराएको थियो ।

पहिले ब्याटिङ गरेको यूएईले निर्धारित २० ओभरमा ७ विकेट गुमाएर ११९ रन बनायो । उसका स्वप्निल पटेलले ३४ रन बनाए पनि अन्य ब्याट्सम्यान चल्न सकेनन् ।

यूएईलाई सस्तैमा समेट्ने क्रममा असन मल्लिक, रोइलोफ भान डेर र माइकल रिपोनले २-२ विकेट लिए ।

जवाफमा मैदान उत्रिएको नेदरल्याण्डले १७.१ ओभरमा मात्र ३ विकेट गुमाएर लक्ष्य भेट्टायो ।

उसका लागि बेन कुपरले ३८ बलमा तीन चौका र तीन छक्काको मदतमा अविजित ५० रन बनाए । माइकल स्बार्टले १९ र वेस्ले बारेसीले १८ रन बनाए ।

जितपछि नेदरल्याण्डको ३ खेलबाट ४ अंक भएको छ । तर, रन रेटका आधारमा तेस्रो स्थानमा छ । २ खेलबाट ४ अंक जोडेको अफगानिस्तान शीर्ष र केन्या दोस्रो स्थानमा छ ।

२ खेलबाट २ अंक जोडेको स्कटल्याण्ड चौथो स्थानमा छ । ओमान, क्यानडा र यूएईले खाता खोल्न सकेको छैनन् ।