नेपालको टाइगर टप्सको विजयी सुरुआत

मंसिर ७ । नवलपरासीमा सुरु भएको अन्तर्राष्ट्रिय हात्तीपोलो प्रतियोगितामा नेपालको टाइगर टप्सको तुस्कर्स, श्रीलंका र स्वीट्जरलयान्डले विजय सुरुआत गरेका छन् ।

टाइगर टप्सले अमेरिकी टोलीलाई ८–४ ले, श्रीलंकाको टोलीले नेपालको थारु लजलाई ८–२ ले र स्वीट्जरल्यान्डको टोलीले अष्ट्रेलियालाई ९–५ ले हरायो ।

टाइगरटप्स र थारु भिलेज रिसोर्टको आयोजनामा जारी प्रतियोगिता कावासोती नगरपालिका–१६ होमस्टेनजिकै ढकाहा वनको चौरमा भइरहेको हो ।

टाइगर टप्स र थारु भिलेज रिसोर्टको आयोजनामा सन्चालित प्रतियोगितामा नेपालसहित ८ देशका टिम सहभागी छन् ।

यसअघि चितवनमा हँुदै आएको प्रतियोगिता यस वर्ष नवलपरासीमा गरिएकोे हो । प्रतियोगिता शुक्रबारसम्म सन्चालन हुने छ ।