पुस ९ । सातौं राष्ट्रिय खेलकुद प्रतियोगिताअन्तर्गत् भलिबलका खेलहरु शनिबारदेखि इटहरीमा सुरु भएका छन् ।
पुरुषतर्फको खेलमा पश्चिमाञ्चल र नेपाल पुलिसले विजयी सुरुआत गरेका छन् ।
पुलिसले मध्यमाञ्चललाई ३–१ ले हरायो । पहिलो सेट २१–२५ ले गुमाएको पुलिसले त्यसपछि भने २५–१७, २५–१७ र २५–१४ ले खेल जित्यो ।
यसैगरी, पश्चिमाञ्चलले सुदूरपश्चिमाञ्चललाई ३–० को सोझो सेटमा हरायो ।
महिला भलिबलमा भने सशस्त्र प्रहरी र पश्चिमाञ्चलले विजयी सुरुआत गरेका छन् ।
सशस्त्रले मध्यमाञ्चललाई ३–० को सोझो सेटमा हरायो । त्यस्तै, पश्चिमाञ्चलले त्रिभुवन आर्मीलाई ३–१ ले हरायो ।
Post a Comment
Thanks.