चैत २८ । इङ्गलिस प्रिमियर लिग फुटबल अन्तर्गत आइतबार राती भएका खेलहरुमा म्यान्चेस्टर युनाईटेड र एभर्टन विजयी भएका छन् ।
सण्डरल्याण्डको मैदानमा भएको खेलमा म्यान्चेस्टर युनाईटेड ३-० ले विजयी भयो । म्यानयुलाई विजयी गराउन जाल्टन ईब्राहिमोभिच, हेन्रीक मख्तरीयान र मार्कस रास्फोर्डले एक एक गोल गरे ।
राती भएको अर्को खेलमा एभर्टनले लेस्टर सिटीलाई ४-२ ले पराजित गर्यो । एभर्टनलाई विजयी गराउन रोमेलु लुकाकुले दुई गोल गर्दा टम डेभिस र फिल जगेल्काले एक एक गोल थपे ।
पराजित टोली लेष्टर सिटीका स्लीमानी र अल्ब्राईटनले एक एक गोल गरे । प्रशिक्षक क्लाउडियो रेनरीबो बर्खास्तीपछि खेलेका पछिल्ला ६ खेलमा लेष्टरको यो पहिलो हार हो ।
रातीका खेलहरुपछि प्रिमियर लिगको अंक तालिकामा ३१ खेलबाट ७५ अंक जोडेको चेल्सी शीर्ष स्थानमा रहँदा ६८ अंकको साथ टोटनह्याम हट्सपर दोस्रो स्थानमा छ ।
एक खेल बढी खेलेको लिभरपुल ६३ अंकसतिह तेस्रो स्थानमा छ । प्रिमियर लिग फुटबलमा आज राती क्रिष्टल प्यालेस र आर्सनल भिड्ने छन् ।
Post a Comment
Thanks.