नेपाली युवा स्ट्राइकर विमल घर्ती मगर भारतीय आइ लिग क्लब मोहन बगानसँग आबद्ध भएका छन्। थ्री स्टारसँग आबद्ध भएर टोलीलाई इटहरी गोल्डकप जिताउन महत्वपूर्ण भूमिका निभाएका मगरले यस सिजनको अन्त्यसम्म मोहन बगानसँग सम्झौता गरेका हुन्।

विमल अब थ्री स्टारको टोलीसँग आहा-रारा गोल्डकपका नखेली भारत प्रस्थान गर्ने कार्यक्रम रहेको छ। उनी सोमबारदेखि प्रशिक्षणमा संलग्न हुने भएका छन् ।

कलकत्ताको मोहनबगान अहिले ११ खेलबाट १७ अंकसहित तालिकाको चौथो स्थानमा छ । अब विमलले बाँकी सिजन मोहनबगानबाट खेल्नेछन् । आई लिग मार्चसम्म चल्नेछ ।

यसअघि विमलले युरोपका केही क्लबहरुसँग ट्रायल पनि दिएका थिए। उनले डच क्लब ट्वेन्टेसँग २ साता प्रशिक्षण गरेका थिए भने बेल्जियम क्लब एन्डरलेक्टसँग लामो समय आबद्ध भई राम्रो अनुभव बटुलेका थिए। विमलले १४ वर्षको उमेरमै नेपालको लागि राष्ट्रिय टोलीबाट खेलेका थिए।

यसअघि पछिल्लो पटक पूर्व फरवार्ड हरि खड्काले मोहन बगानबाट खेलेका थिए। खड्काले १९९८ मा अन्तिम पटक खेलेका थिए। त्यसअघि नेपालका पुर्वस्टार डिफेन्डर पारस चौधरी पनि मोहन बगानमै आवद्ध थिए।

भारतीय क्लब मोहुन बगानसँग आबद्ध भएका नेपाली स्टाइकर विमल घर्ती मगर आज भारतीय पत्रकारहरुसँग पत्रकार सम्मेलनमा सहभागी भएका छन् । सोमबारै भद्रपुरबाट विमल कोलकाता पुगेका हुन् ।

विमलले टोलीको अर्को लिग खेलमा डेब्यु गर्ने बलियो सम्भावना छ । विमलको टोली मोहुन बगानले आगामी शनिबार सिलोङ लाजोङसँग खेल्दैछ । पत्रकार सम्मेलनमा भारतीय पत्रकारले विमललाई दिल्ली डेरडेभिल्सबाट आइपिएल खेल्न लागेका क्रिकेटर सन्दिप लामिछानेका बारेमा पनि सोधेका थिए ।

भिडियो हेर्नुहोस्:

The post भारतमा विमलको पत्रकार सम्मेलन। हिन्दि मै दीए प्रश्न को जवाफ (हेर्नुहोस भिडियो सहीत) appeared first on Taja nepali news.

http://ift.tt/eA8V8J
 
Top