२ चैत्र , । राष्ट्रिय एकदिवसीय क्रिकेटमा क्षेत्र नम्बर २ वीरगञ्जलाई १४५ रनले पराजित गर्दै त्रिभुवन आर्मी समूह एको विजेता बनेको छ ।
हारका बाबजुत वीरगञ्ज समूह उपविजेताका रुपमा सेमिफाइनल पुगेको छ । वीरगञ्ज र क्षेत्र नम्बर ५ नेपालगञ्जको समान ६ अंक भए पनि रन रेटका आधारमा वीरगञ्ज उपविजेता बनेको हो ।
पुल्चोकमा टस हारेर पहिले ब्याटिङको निम्तो पाएको आर्मीले ५० ओभरमा अनिल मण्डलको शतकको मदतमा ९ विकेट गुमाएर २६२ रन बनाए । मण्डलले ११३ रन बनाए ।
विक्रम सोभ ५३ रनमा अविजित रहे । विक्रमले मात्र ४३ बलमा अर्धशतक पुरा गरेका हुन् ।
वीरगञ्जका रामनरेश गिरी, याशिन हवाई र इर्शाद अहमदले २-२ विकेट लिए ।
जवाफमा मैदान उत्रिएको वीरगञ्ज २६.२ ओभरमा ११७ रन बनाउँदा अलआउट भयो उसका लागि हसिम अनिल साहले ४३ र अमित श्रेष्ठले ३६ रन बनाए पनि अन्य ब्याट्सम्यान चल्न सकेनन् ।
आर्मीका विक्रम सोभ र राहुल विकले ४/४ विकेट लिए भने चन्द्र साउदले २ विकेट लिए । अनिल मण्डल र विक्रम सोभ संयुक्त रुपमा म्यान अफ दि म्याच बने ।
बैतडीको विजयी सुरुवात
कीर्तिपुरमा भएको खेलमा क्षेत्र नम्बर ९ धनगढीलाई पराजित गर्दै क्षेत्र नम्बर ६ बैतडीले विजयी सुरुवात गरेको छ ।
पहिले ब्याटिङ गरेको धनगढी ३७.२ ओभरमा ८९ रन जोड्दा अलआउट भयो । राजु रिजालले ३९ रन बनाए पनि अन्य ब्याट्सम्यान चल्न सकेनन् । बैतडीका योगेन्द्र कार्कीले १० ओभरमा ३ मेडन राख्दै १५ रन खर्चिएर ५ विकेट लिए । कमल ऐरीले २ विकेट हात पारे ।
९० रनको सामान्य लक्ष्य बैतडीले २० ओभरमा मात्र ३ विकेट गुमाएर लक्ष्य भेट्टायो । प्रेम तामाङले अविजित ३१ रन बनाए भने रोशन नेपालीले २२ रन जोडे ।
बिनोद लामाले तीन विकेट लिए । योगेन्द्र कार्की म्यान अफ दि म्याच बने ।
Post a Comment
Thanks.