हारको रिस पोखे मुर्रेले र्‍याकेटमाथि

भदौ २२ । बेलायती एण्डी मुर्रे यूएस ओपन टेनिसको चौथो चरणबाटै बाहिरिएका छन् । पुरा खेलभर मुर्रेले खेल आफ्नो नियन्त्रण राख्न सकेनन् र रिस र्‍याकेटमाथि पोखे ।

चार घण्टा १८ मिनेटसम्म चलेको खेलमा मुर्रेलाई दक्षिण अफ्रिकाका केभिन एन्डरसनले पराजित गरे ।

एन्डरसनले पहिलो पटक कुनै पनि ठूलो प्रतियोगिताको क्वार्टरफाइनल प्रवेश गरेका छन् । मुर्रे भने पाँच वर्षमा पहिलो पटक ग्राण्डस्लामको क्वार्टरफाइनलमा पुग्न असफल रहे ।

पहिलो सेट ७-६ र दोस्रो सेट ६-३ ले गुमाएका मुर्रेले तेस्रो सेटमा संघर्षपूर्ण पुनरागमन गरे । र, ६-७ को जित हात पारे ।
तर, चौथो सेटमा ७-६ को जित हात पार्दै एन्डरसनले क्वार्टरफाइनलमा पुगेका छन् ।