बार्सिलोनले रियल म्याड्रिडलाई ४–० अन्तरले हरायो

मंसिर ६।  बार्सिलोनाको गए राति रियल म्याड्रिड माथि ४–०को जीत पछि ६ अंकको फराकिलो अन्तरका साथ ला लिगाको शिर्ष स्थानमा रहन सफल भएको छ । लुइस स्वारेजको सान्दार २ गोलको मद्दतले बार्सिलोनाले रियल म्याड्रिडलाई उसैको घरेलु मैदानमा हराउन सफल भएको थियो ।

खेलको सुरुवाती समयमा नै स्वारेजले १६ यार्डबाट सशक्त प्रहार गर्दै गोल गरेका थिए । यस्तै मध्यान्तर अघि नै बार्सिलोनाका अर्को स्टार नेयमारले गोल गर्दै अग्रतालाई दोब्बर बनाएका थिए । मध्यान्तर पछिको खेल पनि पूर्णरुपमा बार्सिलोनाको कब्जामै रह्यो ।

मध्यान्तरपछिको आठौं मिनेटमा इनिस्टाले गोल गरेका थिए । ३ गोलले पछि परेको रियल म्याड्रिड खेलमा फर्किन नसक्दा खेलको ७४ औं मिनेटमा स्वारेजले पुन: अर्को गोल गर्दै बार्सिलोनाको जीत पक्का गरेका थिए ।