कार्तिक १५ । राष्ट्रिय खेलकुद परिषदका सदस्यसचिव केशब बिष्टले अखिल नेपाल फुटबल संघ (एन्फा)मा ब्यापक सुधार आवश्यक रहेको बताएका छन् ।
नेपाली फुटबलसँग सम्बन्धित बिभिन्न ब्यक्तिहरुले एन्फामा सुधारको माग गर्दै बुझाएको ज्ञापनपत्र बुझ्दै सदस्यसचिव बिष्टले यथास्थितीमा एन्फालाई धेरै दिन राख्न नहुने बताए ।
एन्फाका पूर्व उपाध्यक्षहरु कर्मा छिरिङ शेर्पा र बिजय मानन्धरसहित एन्फाका असन्तुष्ट पदाधिकारी तथा फुटबल प्रशिक्षक र पूर्व राष्ट्रिय खेलाडीहरुले आज एन्फामा सुधारको माग गर्दै ५ बुँदे ज्ञापनपत्र बुझाएका हुन् ।
सदस्यसचिव बिष्टलाई ज्ञापनपत्र बुझाउँदै उनीहरुले एन्फामा भ्रष्टाचार, बिसंगती र अनियमितता बढेको भन्दै दोषीलाई कारवाही गर्न माग गरेका थिए ।
म्याच फिक्सिङ प्रकरणले नेपाली फुटबल जगतलाई नै बदनाम गरेको भन्दै उनीहरुले एन्फाका पदाधिकारी समेत त्यसमा दोषी रहेको जिकिर गरेका थिए ।
Post a Comment
Thanks.