एन्फालाई नीतिगत निर्णय नगर्न राष्ट्रिय खेलकुद परिषद्को निर्देशन

मंगसिर ४।  राष्ट्रिय खेलकुद परिषद्ले अखिल नेपाल फुटबल संघ एन्फालाई नीतिगत निर्णय नगर्न निर्देशन दिएको छ ।

एन्फा अध्यक्ष गणेश थापालाई अन्तर्राष्ट्रिय फुटबल महासंघले १० वर्ष प्रतिबन्धसहितको कारवाही गरेपछि खेलकुद परिषद्ले अर्को निर्णय नभएसम्मका लागि कुनै पनि नीतिगत निर्णय नगर्न एन्फालाई निर्देशन दिएको हो ।

style="text-align: justify;">साथै परिषद्ले एन्फासँग गणेश थापा प्रकरणमा लिखित स्पष्टीकरण समेत सोधेको छ । फिफाको कारवाहीले नेपाली खेल जगत् अन्तराष्ट्रियस्तरमै बदनाम भएको भन्दै राखेपले कारवाहीको विस्तृत विवरण र आरोपहरुबारे एन्फासँग आधिकारीक जानकारी मागेको हो ।

उता राष्ट्रिय खेलकुद परिषद्ले स्पष्टीकरण सोधेकै दिन एन्फाले पनि वरिष्ठ उपाध्यक्ष नरेन्द्र श्रेष्ठलाई कार्यवाहक अध्यक्षको जिम्मेवारी दिएको सार्वजनिक भएको छ ।

एन्फाको पछिल्लो साधारणसभाबाट चुनिएका उपाध्यक्षहरु एन्फाकै कारवाहीमा परेको पृष्ठभुमीमा मनोनित उपाध्यक्ष श्रेष्ठलाई कार्यवाहक जिम्मेवारी सुम्पिएको हो ।

एन्फाका असन्तुष्ट उपाध्यक्ष कर्मा छिरिङ शेर्पा लगायतका पदाधिकारीहरुले भने यो निर्णय नमान्ने बताउँदै बैधानिक कार्यसमितिको वैठक बोलाएर कार्यवाहक अध्यक्ष चुन्नुपर्ने तथा विशेष साधारणसभा बोलाएर नयाँ नेतृत्य चयन गर्नुपर्ने माग गरेका छन् ।