माघ ४ । स्पेनिस ला लिगा फुटबलअन्तर्गत आइतबार राति भएको खेलमा शीर्ष स्थानको एथ्लेटिको मड्रिड विजयी भएको छ ।
एथ्लेटिको मड्रिडले लास पालमसलाई ३–० ले हराएको हो । खेलको १७ औं मिनेटमा फिलिपे लुइसले गोल गर्दै एथ्लेटिकोलाई सुरुआती अग्रता दिलाए ।
दोस्रो हाफको ६८ र ८९ औंमिनेटमा एन्टोन ग्रिजम्यानले दुई गोल गरेपछि एथ्लेटिकोले पराकिलो जित निकालेको हो । जितपछि शीर्ष स्थानको एथ्लेटिको मड्रिडको २० खेलबाट ४७ अंक भएको छ । समान खेलबाट १९ अंक जोडेको लास पालमस १६ औं स्थानमा छ ।
आइतबार राति नै भएका अन्य खेलमा गेटाफेले स्पानियोललाई ३–१ ले हरायो भने भ्यालेन्सिया र रायोभालेकानोले २–२ को बराबरी खेलेका छन् ।
 
Top