April 2016

1-12 शनिबार भएको उद्घाटन खेलमा जनजागृतिले संखुवासभा फुटबल संघको टोलीलाई टाइब्रकेरमा ४-३ ले पराजित गरेको छ । निर्धारित समयको खेल १-१ को बराबरीमा सकिएपछि खेलको निर्णय टाइब्रेकरबाट लिइएको थियो ।
यसअघि खेलको ६८ औं मिनेटमा संखुवासभाले दिपक चौहानको गोलबाट अग्रता लिएको थियो । अन्तिममा सम्हालिन सकेन । इन्जुरी टाइममा जनजागृतिका संजय रम्तेलले गोल गर्दै खेललाई बराबरीमा पुर्‍याएका थिए ।
आठ टोलीको सहभागिता रहेको प्रतियोगिताको विजेताले १ लाख ११ हजार १११ पाउनेछ ।

वैशाख ११ । पाँचौ मनकामना केबुलकार पोखराकप आमन्त्रण अन्तर्राष्ट्रिय फुटबलको उपाधि मनाङ–मर्स्याङ्दी क्लबले जितेको छ ।

शनिबार पोखरा रंगशालामा भएको फाइनलमा मनाङले त्रिभुवन आर्मी क्लबमाथि ५–० को फराकिलो जित हासिल गरेको हो । योसँगै मनाङले पोखराकपमा ह्याट्रिकसमेत गरेको छ ।

मनाङलाई जिताउनेक्रममा अनिल गुरुङ र ओलावाले अफिजले समान २–२ गोल गर्दा सुजल श्रेष्ठले एक गोल थपे ।

मनाङले दुई गोल गरेपछि भएको झडपमा आर्मीका सन्तोष तामाङ र मनाङका हेमन गुरुङले रातोकार्ड खाएपछि दुबै टिम १० जनामा समेटिएका थिए ।

त्यसपछि मनाङ झनै आक्रामक बनेको थियो । मध्यान्तरअघि नै ४ गोल गरेको मनाङले मध्यान्तरपछि एक गोल थपेको थियो ।

उपाधिसँगै मनाङले ५ लाख ५ हजार ५ सय ५५ रुपैयाँ पुरस्कार पाएको छ । उपविजेता आर्मीले २ लाख ५५ हजार ५ सय ५५ रुपैयाँमा चित्त बुझाएको छ ।

मनाङका अनिल गुरुङले सर्वोत्कृष्ट खेलाडी घोषित हुँदै मोटरसाइकल पाएका छन् ।

उत्कृष्ट प्रशिक्षक मनाङका छिरिङ लोप्साङ पेम्बा गुरुङ, मनाङका किरण चेम्जोङ उत्कृष्ट किपर, मनाङकै कमल श्रेष्ठ उत्कृष्ट डिफेन्डर, आर्मीका बिमल राना उत्कृष्ट मिडफिल्डर घोषित भए ।

उत्कृष्टले जनही १५ हजार रुपैयाँ पाए । सर्वाधिक ५ गोल गरेका सशस्त्र प्रहरीका रञ्जन विष्ट र मनाङका ओलावालेले उपाधि बाँडे ।

बैशाख ११ । तेह्रथुमको लालीगुराँस नगरपालिका स्थित बसन्तपुर बजारमा आजबाट दोस्रो लालीगुराँस गोल्ड कप नकआउट फुटबल प्रतियोगिता सुरु हुँदैछ ।
laliguras cupलालीगुराँसको राजधानी तीनजुरे मिल्के जलजले क्षेत्रको प्रवेशद्धार बसन्तपुरमा यहाँको पर्यटन प्रवर्धन र पहाडी क्षेत्रको खेलकुद विकासकालागि सन्चालन हुन लागेको गोल्ड कपको यो संस्करणमा काठमाडौँ सहित पुर्वाञ्चलका आठ टिम सहभागी हुँदैछन् ।
प्रतियोगितामा आयोजक पाथीभरा सामुदायिक युवा क्लबसहित दोर्जे गियर प्रालि, काठमाडौँ, संखुवासभा जिल्ला फुटबल संघ, मोरङको बेलबारी फुटबल क्लब, धनकुटाको जनजागृति युवा क्लब, हिले र सिंहदेवी युवा क्लब, सिधुवा, मोरङकै टीडब्लुवाईसी विराटनगर र तेह्रथुमको म्याङ्गलुङ नगरपालिका सहभागी हुने क्लबका महासचिव विजय सोदेम्बाले जानकारी दिए ।
प्रतियोगिताको उद्घाटन खेल आजै दिउँसो दुई २ बजेबाट  संखुवासभा जिल्ला फुटबल संघ र जनजागृति युवा क्लब हिले धनकुटाबीच हुने आयोजक पाथीभरा युवा सामुदायिक क्लबका अध्यक्ष मिलन थापाले जानकारी दिए । फाइनल खेल वैशाख १७ गते हुने छ ।
वि.स. २०५६ सालबाट सुरु भएपनि निरन्तर सन्चालन हुन नसकेको प्रतियोगिताको निरन्तरता स्वरुप स्थानीय युवाहरुको अगुवाईमा यसवर्षबाट पुनः लालीगुराँस गोल्डकप सन्चालन हुन लागेको हो ।
यसअघि लालीगुराँस संरक्षण व्यवस्थापन समितिले थालेको जिल्लाकै सर्वाधिक राशीको प्रतियोगिताको यो संस्करणको विजेताले १५ ग्राम सुनजडित १ सय २० तोला चाँदीको गोल्ड कपसहित नगद १ लाख ११ हजार १ सय ११ रुपैयाँ प्राप्त गर्नेछ । उपविजेताले ५५ हजार ५ सय ५५ रुपैयाँसहित कप, मेडल र प्रमाण पत्र प्राप्त गर्ने आयोजकले जनाएको छ ।

१० वैशाख, एलेक्स सान्चेजको दुई गोलको मदतमा आर्सनलले वेष्टब्रोमलाई हराएको छ र प्रिमियर लिष्को शीर्ष चारमा पर्ने सम्भावना कायमै राखेको छ ।
बिहीबार राति भएको खेलमा आर्सनलले वेष्टब्रोमलाई २-० गोल अन्तरले पराजित गरेको हो । यसअघिका दुई खेल बराबरीमा आर्सनल बराबरीमा रोकिएको थियो । तर, बिहीबार सान्चेजले जित दिलाए ।
घरेलु मैदान इमिरेट्स स्टेडियममा भएको खेलमा दुबै गोल सन्चेजले गरे । खेलको छैटौं मिनेटमा गोल गर्दै टिमलाई सुरुवाति अग्रता दिलाएका उनले ३८ औं मिनेटमा अग्रता दोब्बर पारे ।
यो जितसँगै आर्सनल प्रिमियर लिगमा ५०० खेल जित्ने दोस्रो क्लब बनेको छ । यसअघि म्यानचेष्टर युनाइटेडले मात्र यो आंकडा पार गरेको छ । उसले ५८४ खेल जितेको छ ।
साथै आर्सनल ३४ खेलबाट ६३ अंकका साथ तेस्रो स्थानमा उक्लिएको छ । चौथो स्थानमा रहेको म्यानचेष्टर सिटीको ६१ र पाँचौं स्थानमा रहेको युनाइटेडको ५९ अंक छ ।

वैशाख १० । इन्डियन प्रिमियर लिग क्रिकेट (आईपिएल) मा गुजरात लायन्सले पहिलो हार ब्यहोरेको छ । गएराति भएको खेलमा गुजरातलाई सनराईजर्स हैदरावादले १० विकेटको फराकिलो अन्तरले हराएको हो ।
खेलमा पहिले ब्याटिङ गरेको गुजरातले निर्धारित २० ओभरमा ८ विकेट गुमाएर १३५ रन बनायो । गुजरातका लागि सुरेश रैनाले ७५ रन बनाउनुबाहेक अन्य कुनै पनि ब्याट्सम्यानले स्तरीय खेल देखाउन सकेनन् ।
बलिङतर्फ हैदरावादका भुवनेश्वर कुमारले ४ विकेट लिए ।
जवाफमा १३६ रनको सामान्य चुनौती हैदरावादले १५ औं ओभरमा विना कुनै विकेटको नोक्सानीमा पुरा गर्‍यो । हैदरावादको जितमा सुरुवाती ब्याट्सम्यानहरु डेभिड वार्नरले अविजित ७४ रन तथा शिखर धवनले अविजित ५३ रनको योगदान दिए ।
आईपिएल क्रिकेटमा आज राति महेन्द्र सिंह धोनीको राईजिङ पुने सुपरजाईन्ट्स र विराट कोहलीको रोयल च्यालेन्जर्स बैङ्लोर भिड्नेछन् ।

ARENA NEWS

{picture#https://1.bp.blogspot.com/-TSSsOHmNA9g/Xrc8t2Oo7HI/AAAAAAAAChU/cyhWCseUQbI5bY_90tYKATlVBOVhKdofwCK4BGAYYCw/s1600/arena%2BNEWS%2Blogo%2B%25281%2529%2Bcopy.pngL} NEWS AND SPORTS {facebook#https://www.facebook.com/arena.np/} {twitter#https://twitter.com/arenanepal} {google#www.google.com/kpcat} {pinterest#https://www.pinterest.com/} {youtube#https://www.youtube.com/channel/UC_ISHKB5xxLJnGLep4Y3JEw} {instagram#www.instagram.com/}

Contact Form

Name

Email *

Message *

Powered by Blogger.