धनलक्ष्मी स्मृति स्क्वास हुने

असार १९।  नेपाल स्क्वास र्‍याकेट्स संघका अध्यक्ष किशोर महर्जनले आफ्नी आमाको स्मृतिमा राष्ट्रिय स्क्वास प्रतियोगिता आयोजना गर्ने घोषणा गरे ।

धनलक्ष्मी स्मृति राष्ट्रिय स्क्वास प्रतियोगिता अगष्ट १ तारिखदेखि सातदोबाटोमा हुने भएको हो । प्रतियोगितामा पुरुष/महिला सिंगल्स, यु-१७ र यु-१३ ब्वाइज सिंगल्स तथा भेट्रान्स ५० वर्षमाथि पुरुष सिंगल्स गरी ५ स्पर्धामा प्रतिस्पर्धा हुने छ ।