माघ १६ । अस्ट्रेलियन ओपन टेनिसको उपाधि स्वीस खेलाडी रोजर फेडेररले जितेका छन् ।
आइतबार भएको फाइनलमा स्पेनिस खेलाडी रफाइल नदाललाई पराजित गर्दै फेडेररले उपाधि जितेका हुन् ।
पूर्वविश्व नम्बर एकहरुको भिडन्तमा फेडेरर ६–४, ३–६, ६–१, ३–६ र ६–३ ले विजयी भए ।
योसँगै सर्वाधिक ग्रान्डस्लाम जितको कीर्तिमानलाई अझ थप्नेक्रममा फेडेररले ग्रान्डस्लाम संख्यालाई १८ पुर्याएका छन् ।
![](https://blogger.googleusercontent.com/img/b/R29vZ2xl/AVvXsEgHswTpW8lNAfy5L7rLM4u2FtZhW9AxoC7uYxwqNnozXEAxjEgx7F_qrnMWel6u6NlpOT-Nrp-vVXZ-8y4K2LGOyvb72QrVaa9JNoWmaq3unKEGOvlIwdYKy5WNLRPaH57p-Q0R3g5JgDbO/s1600/roger+federer2.jpg)
अष्ट्रेलियन ओपन पाँचपटक जितेसँगै फेडेररले तीनओटा छुट्टाछुट्टै ग्रान्डस्लाममा पाँच वा सोभन्दा बढी उपाधि जित्ने कीर्तिमान पनि रचेका छन् ।
फेडेररले अष्ट्रेलियन र युएस ओपन पाँच/पाँचपटक जितेका छन् भने विम्बल्डन टेनिस सातपटक जितेका छन् । फ्रेन्च ओपन भने फेडेररले एकपटक जितेका छन् ।
३५ वर्षीय फेडेररले सन् २०१२ को विम्बल्डन टेनिसपछि पहिलोपटक ग्रान्डस्लाम जितेका हुन् ।
Post a Comment
Thanks.