संकटालाई हराउँदै सशस्त्र सेमिफाइनलमा

पुस १९ । सशस्त्र प्रहरी झापाको काँकडभिट्टामा जारी मेची नेत्रालय काँकडभिट्टा गोल्डकप फुटबल प्रतियोगिताको सेमिफाइनलमा प्रवेश गरेको छ ।

मंगलबार भएको खेलमा संकटा क्लब काठमाडौंलाई १–० ले पराजित गर्दै सशस्त्र प्रहरी सेमिफाइनलमा पुगेको हो ।

सशस्त्रको जितमा दीपक राईले खेलको १७औं मिनेटमा गरेको गोल नै निर्णायक बन्यो ।

बुधबार पहिलो सेमिफाइनलमा झापा–११ र रुपन्देही–११ बीचको खेल हुनेछ ।