मनाङ मर्स्याङ्दी फाइनलमा

२९ । एक शून्यले पछि परेको स्थितिलाई उल्टाउँदै ए डिभिजन टोली मनाङ मर्स्याङ्दी प्रथम सुदूरपश्चिम खप्तड गोल्डकप फुटबलको फाइनलमा प्रवेश गरेको छ ।
धनगढी क्षेत्रीय रंगशालामा आज भएको सेमिफाइनलमा खेलको दोस्रो मिनेटमै लिएको अग्रता जोगाउन नसक्दा भारतीय टोली दिल्ली युनाइटेडले मनाङसँग तीन एक गोलको पराजय ब्यहोर्‍यो ।
खेल शुरु भएको दुई मिनेटमा दिल्ली युनाईटेडका थोपीले गोल गरेपछि केहि हडबडाएको मनाङले त्यसको ७ मिनेटमै बराबरी गोल फर्कायो । कनाङका कप्तान अनिल गुरुङले गोल गरेका थिए ।
पहिलो हापको अन्त्यतिर बिदेशी स्ट्राइकर ओलावाले अफिजको गोलसँगै मनाङले दुई एकको अग्रता बनायो ।
समर्थकले भरिएको धनगढी रंगशालामा मनाङले भारतीय टोलीमाथि दोस्रो हाफमा एकपछि अर्को प्रहार गर्दै दवावमा राख्न सफल भयो । खेल सकिनुभन्दा १ मिनेटअघि कप्तान गुरुङले व्यक्तिगत दोस्रो गोल गर्दै मनाङको तीन एकको जित सुनिश्चित गरे । उनी खेलको म्यान अफ दि म्याचसमेत चुनिए ।
मनाङका प्रशिक्षक छिरिङ लोप्साङ गुरुङ्गले खेलाडीहरुले तालमेल मिलाउन नपाउँदै पहिलो गोल खाएपनि पछि सुधार भएकोमा सन्तुष्टि व्यक्त गरे । उनले बलको तौलसमेत फरक भएकोले केहि असहजिलो भएको गुनासो गरे ।
मनाङले भोलि शुक्रबार हुने दोस्रो सेमिफाइनल (आयोजक सुदूरपश्चिम-११ र संकटाबीच)को बिजेतासँग उपाधिका लागि प्रतिस्पर्धा गर्नेछ ।

Post a Comment

Thanks.

[facebook]

ARENA NEWS

{picture#https://1.bp.blogspot.com/-TSSsOHmNA9g/Xrc8t2Oo7HI/AAAAAAAAChU/cyhWCseUQbI5bY_90tYKATlVBOVhKdofwCK4BGAYYCw/s1600/arena%2BNEWS%2Blogo%2B%25281%2529%2Bcopy.pngL} NEWS AND SPORTS {facebook#https://www.facebook.com/arena.np/} {twitter#https://twitter.com/arenanepal} {google#www.google.com/kpcat} {pinterest#https://www.pinterest.com/} {youtube#https://www.youtube.com/channel/UC_ISHKB5xxLJnGLep4Y3JEw} {instagram#www.instagram.com/}

Contact Form

Name

Email *

Message *

Powered by Blogger.