धरान आहा ! रारा गोल्डकपको क्वार्टरफाइनलमा

माघ ६  । धरान फुटबल क्लब पोखरामा जारी आहा ! रारा गोल्डकप फुटबल प्रतियोगिताको क्वार्टरफाइनलमा प्रवेश गरेको छ ।

बुधबार प्रिक्वार्टरफाइनलमा सशस्त्र प्रहरीलाई १–० ले पराजित गर्दै धरानले अन्तिम आठमा ठाउँ पक्का गरेको हो ।

निर्धारित् ९० मिनेटको खेल गोलरहित बराबरीमा सकिएपछि थपिएको २० मिनेटको अतिरिक्त समयमा गोल गर्दै धरानले बाजी मारेको हो ।

खेलको १०५औं मिनेटमा वर्तमान राईको पासमा दीपक राईले गोल गर्दै धरानलाई सफलता दिलाएका हुन् ।