कांगेसका संस्थापक नेता स्वर्गीय वीर गणेशमान सिंहको शतबार्षिकी मनाउने क्रममा हिजो बिहिबारदेखि धरानमा पुर्वाञ्चलस्तरीय टेबुलटेनिस प्रतियोगिता शुरु भएको छ ।
नेपाल लोकतान्त्रिक खेलकुद संघ, सुनसरी क्षेत्र नम्बर १ समितिको आयोजनामा धरान १० स्थित कवर्ड हलमा तीन दिने प्रतियोगिता शुरु भएको हो ।
उद्घाटन समारोहका प्रमुख अतिथि एवं राष्ट्रिय खेलकुद समितिका पुर्व सदस्य सचिव बद्रीनाथ श्रेष्ठ र बिशेष अतिथि एवं कांग्रेस नगर सभापति किसोर राईले संयुक्तरुपमा प्रतियोगिताको उद्घाटन गरेका थिए । प्रतियोगिता शनिबारसम्म सञ्चालन हुनेछ ।
प्रतियोगितामा सुनसरी, मोरङ्ग, झापा र धनुकटा गरी ४ जिल्लाको सहभागीता रहेको छ । यी चार जिल्लाबाट कुल ३२ खेलाडी सहभागी रहेको आयोजकले जनाएको छ ।
प्रतियोगितामा पुरुष एकल र महिला एकल स्पर्धामा पहिलो हुनेलाई नगद ५ हजार, दोस्रोलाई ३ हजार, तेस्रो हुने दुई जनालाई १५ सय रुपैयाको दरले पुरस्कार दिइनेछ । यसैगरि, अण्डर १४ बोइज र गल्र्स सिंगलमा प्रथम, दोस्रो र तेस्रो हुनेले क्रमशः ३ हजार, २ हजार र एक हजार नगद पुरस्कार पाउनेछ भने मिक्स डबलतर्फको विजेताले पनि क्रमशः ३ हजार, २ हजार र एक हजार पाउने आयोजकले जनाएको छ ।
Post a Comment
Thanks.