धरानमा पुर्वाञ्चल स्तरिय बक्सिङ छनौट प्रतियोगिता बिहिबार बाट सुरु हुने

गोपाल कामत धरान सुनसरी २० कार्तिक।

पुर्वान्चलमा हुने सातौं राष्ट्रिय खेलकुद प्रतियोगितालाई लक्षित गरि ‘पुर्वान्चल स्तरिय बक्सिङ छनौट प्रतियोगिता’ आज देखि धरानमा शुरु हुने भएको छ ।

धरान–९ स्थित कवर्ड हलमा हिजो आयोजित पत्रकार सम्मेलनमा राष्ट्रिय खेलकुद परिषद पुर्वान्चल क्षेत्रिय खेलकुद विकास समितिले बक्सिङ छनौट प्रतियोगिता धरानको भानुचौकमा हुने जानकारी गराएको हो ।

तीन दिवसीय वक्सिङ प्रतियोगितामा ७ जिल्लाका ३८ जना खेलाडीहरुले भाग लिने समितीका अध्यक्ष रविन नगरकोटीले वताउनुभयो ।

झापा, मोरङ, सुनसरी, इलाम, धनकुटा, उदयपुर, खोटाङवाट प्रतियोगिहरु प्रतियोगितामा सहभागि हुने उहाले वताउनुभयो ।

उहाकाअनुसार प्रतियोगितामा ४९, ५२, ५६, ६०, ६४, ६९, ७५, ८१, ९१ र ९१ प्लस तौल भएका सहभागिहरुले भाग लिनेछन् ।