यसका लागि आन्तरिक संयोजन गर्ने जिम्मेवारी तत्कालीन क्रिकेट संघ नेपाल (क्यान)को प्रमुख कार्यकारी अधिकृत भावना घिमिरेलाई दिइएको छ ।
आइसीसीले गत शुक्रबार पठाएको पत्रअनुसार नेपाली क्रिकेटको विवाद समाधान नभएसम्म अन्तर्राष्ट्रियजगतसँग संयोजन गर्ने जिम्मेवारी घिमिरेलाई दिएको हो ।
नेदरल्यान्ड्सविरुद्धको दुईओटा खेलको लागि तयारी गर्ने जिम्मेवारी पनि घिमिरेलाई नै दिइएको छ ।
आइसीसीले उक्त खेलका लागि खेलाडी छनोट गर्ने जिम्मा राष्ट्रिय टोलीका प्रशिक्षक जगत टमाटा र कप्तान पारस खड्कालाई दिएको छ ।
पत्रबारे जानकारी छैन : विष्ट
राष्ट्रिय खेलकुद परिषद (राखेप)का सदस्यसचिव केशवकुमार विष्टले भने आइसीसीले पठाएको भनिएको पछिल्लो पत्रबारे आफूलाई आधिकारीक जानकारी नभएको बताएका छन् ।
नेपाली क्रिकेटको विवाद समाधान गर्न सरोकारवाला सबै पक्षसँग प्रयास जारी राखेको बताउँदै विष्टले आवश्यक परे दुईओटै पक्षलाई छोडेर नयाँ विकल्पमा जान सकिनेसमेत बताए ।
साधारणसभाबाट चुनिएको भनिएको चतुरबहादुर चन्द नेतृत्वको क्रिकेट संघ र खेलकुद परिषदले आफूखुसी गठन गरेको तदर्थ समितिको आधिकारीकतासम्बन्धी विवाद बढ्दै जाँदा आइसीसीले नेपाल क्रिकेट संघ (क्यान)लाई विगत दुई महिनादेखि निलम्बन गरेको छ ।
Post a Comment
Thanks.