बास्केटबल प्रतियोगितामा निम्सलाई दोहोरो उपाधि

माघ २४  । आयोजक निम्सले छैटौं जितेन ठकुरी स्मृति अन्तरविद्यालय बास्केटबल प्रतियोगितामा आइतबार दोहोरो उपाधि जितेको छ । निम्स सिनियर ब्वाइज र गर्ल्स दुवैमा च्याम्पियन बन्यो ।

टोखास्थित घरेलु कोर्टमा भएको ब्वाइज फाइनलमा निम्सले द स्काइलार्क स्कुललाई ५५–५१ ले पराजित गर्‍यो । निम्सको जितमा नम सुनारले १५ अंक योगदान गरे ।

तेश्रो क्वाटरको समाप्तिसम्म निम्स ३१–३४ ले पछि थियो । चौथो तथा अन्तिम क्वाटरमा १४–७ को अग्रता बनाउदै निम्सले उपाधि सुनिश्चित गरेको थियो । पहिलो क्वाटरमा १४–१७ ले पछि परेको निम्स दोश्रोमा १८–९ ले अगाडि रह्यो । तेश्रो क्वाटरमा पनि निम्स ९–१८ ले पछि परेको पर्‍यो ।

गर्ल्सको उपाधि भिडन्तमा निम्सले द चाँदबाग स्कुललाई ३२–२४ ले हरायो । निम्सकी मुना बस्नेतले १२ अंक जोडिन् ।

पहिलो क्वाटरमा दुवै टिमले १०–१० को बराबरी खेले । दोश्रोमा निम्सले ९–२ को अग्रता हासिल गर्‍यो भने तेश्रोमा ६–१० ले पछि प¥यो । चौथो क्वाटरमा निम्स ७–२ ले अगाडि रहँदै उपाधि हात पार्न सफल भयो ।

ब्वाइजमा सञ्जय नेपाली तथा गर्ल्समा मुना बस्नेत ‘मोस्ट भेलुएबल प्लेयर’ घोषित भए । दुवै उपाधि विजेता निम्सका हुन् ।

विजेतालाई निम्सकी प्रमुख कार्यकारी अधिकृत निकोल ठकुरी, बास्केटबल प्रमुख प्रशिक्षक दिनेशचन्द्र नकर्मी र निम्सका प्रिन्सिपल ज्ञानेन्द्र कार्कीले एक कार्यक्रमबीच पुरस्कृत गरे । आठदिने प्रतियोगिताको ब्वाइज र गर्ल्समा समान १२–१२ टिम गरी जम्मा २४ टिम सहभागी थिए ।

आर्सनललाई हराउँदै म्यानचेष्टर सिटी दोस्रो स्थानमा

पौष ४।  उपाधिको दाबेदार आर्सनललाई हराउँदै म्यानचेष्टर सिटी इंग्लिस प्रिमियर लिगको दोस्रो स्थामा उक्लिएको छ ।

आइतबार राति भएको खेलमा सिटीले एक गोलले पछि परेको अवस्था उल्टाउँदै २–१ के जित निकालेको हो ।

सिटीको घरेलु मैदान इत्तेहाद स्टेडियममा भएको खेलमा आर्सनलले पाँचौ मिनेटमा नै वालकाटको गोलबाट अग्रता लिएको थियो । र, पहिलो हापमा यो अग्रता कायमै राख्यो ।

र, दोस्रो हाफको सुरुमा नै सानेले घरेलु टोलीका लागि बराबरी गोल फर्काए । ७१ औं मिनेटमा स्टर्लिङले गोल गरे ।

पहिलो हाफमा पछि परेको सिटीमा उसका मुख्य खेलाडी एग्युरोको अभाव खड्किएको थियो । जुन, भूमिका दोस्रो हाफमा केभिन डि ब्रुयेनले निभाए । उनकै पासमा स्टर्लिङले गोल गरे ।

यो जितसँगै म्यानचेष्टर सिटी १७ खेलबाट ३८ अंकसहित दोस्रो स्थानमा उक्लिएको छ । तर, लिग लिडर चेल्सीभन्दा अझै ७ अंकले पछाडि छ ।

पोखरामा भेट्रान्स राष्ट्रिय पुरुष खुला बास्केटबल हुने

भदौ ११ । पोखरामा भेट्रान्स राष्ट्रिय पुरुष खुला बास्केटबल प्रतियोगिता हुने भएको छ ।

४० वर्षमाथिका खेलाडीलाई लक्षित गरी आगामी कात्तिक ४ देखि ६ गतेसम्म प्रतियोगिता गर्न लागिएको कास्की जिल्ला बास्केटलबल संघले जनाएको छ ।

प्रतियोगितामा १२ टिमले भाग लिने बताइएको छ ।

प्रतियोगिताका संयोजक नारायणप्रसाद शर्माले पहिलो हुने टिमलाई ४० हजार ४ सय ४४ र दोस्रो हुनेलाई २५ हजार ५ सय ५५ रुपैयाँसहित मेडल, ट्रफी र प्रमाणपत्र प्रदान गरिने जानकारी दिए ।

प्रतियोगिता सम्पन्न गर्न चार लाख ७५ हजार रुपैयाँ खर्च लाग्ने अनुमान गरिएको छ ।

पहिलोपटक पोखरामा भेट्रान्स बास्केटबल प्रतियोगिता गर्न लागिएको र आगामी दिनमा पनि यसलाई निरन्तरता दिने बास्केटबल संघ कास्कीका अध्यक्ष नेत्रबहादुर सेनले बताए ।

अन्तरविद्यालय बास्केटबलको दोस्रो दिन शनिबार आठओटा खेल

भदौ ११ । दोस्रो पुष्पसदन कप उपत्यकाव्यापी अन्तरविद्यालय बास्केटबल प्रतियोगिताको दोस्रो दिन शनिबार आठओटा खेल भएका छन् ।

कीर्तिपुरस्थित पुष्पसदन आवासिय माध्यमिक विद्यालयको मैदानमा भएको खेलमा सिनियरतर्फ कमल इंग्लिस स्कुल, ग्रीनफिल्ड स्कुल, ब्राइट होराइजन, न्यू जेनिथ स्कुल र इनोभेटिभ एकाडेमीले जित हासिल गरे ।

कमल इंग्लिस स्कुलले हिमालयन बोर्डिङ स्कुललाई ४४–३४ ले पराजित गर्दा ग्रीनफिल्ड स्कुलले एलआरआइ स्कुललाई ४०–३३ ले पराजित गर्‍यो ।

यस्तै, ब्राइट होराइजनले बृहस्पति विद्यासदनलाई ३३–२६ ले, न्यू जेनिथ स्कुलले ज्ञानोदयबाल बाटिकालाई ३२–१६ ले र इनोभेटिभ एकाडेमीले राराहिल मेमोरियललाई ४४–२८ ले पराजित गर्‍यो ।

यस्तै, जुनियर बास्केटबलतर्फ इनोभेटिभ एकाडेमीले न्यू जेनिथलाई ४०–२४ ले, ग्रीनफिल्डले एलआरआइलाई ३८–८ ले र हिल्टाउन इन्टरनेसनल स्कुलले कमल इंग्लिस स्कुललाई ३०–४ ले पराजित गर्‍यो ।

प्रतियोगितामा सिनियरतर्फ १८ टिम र जुनियरतर्फ १३ टिमको सहभागिता रहेको छ ।

ओडिसी र भ्याली पब्लिकको जित

वैशाख २७ । भ्याली पब्लिक र ओडिसीले प्रथम बीएनए अन्तरविद्यालय बास्केटबल प्रतियोगिताको जुनियर ब्वाइजमा आइतबार जित हात पारेका छन् ।

भ्याली पब्लिकले आयोजक बसुन्धारा नेसनल एकेडेमी ‘बी’ लाई ३७–२७ ले पराजित गरेको हो । विजेताका सक्रिय अधिकारीले १२ अंक जोडे ।

ओडिसीले लालीगुराँसलाई ३५–२८ ले हरायो ।

जुनियर ब्वाइजकै अन्य खेलमा गोल्डेनपिकले अभियान पब्लिक स्कुललाई २५–२१, एचएचसीएले ज्ञानसिन्दुलाई २७–१९, ग्रिनल्यान्डले हिमालयनलाई १८–८ तथा एन्जल्स हार्टले इडेन ब्रिज एकेडेमीलाई २९–२१ ले पन्छाए ।

सिनियर गर्ल्समा भ्याली पब्लिक ‘बी’ ले भद्रकालीलाई २६–१६, हिमालयनले ओडिसीलाई ७–४, डेनेब एकेडेमीले भ्याली पब्लिक ‘ए’ लाई १९–५ तथा इडेन ब्रिजले ओडिसीलाई १६–९ ले निराश पारे ।

बास्केटबल कप सुरु

वैशाख २० । तेस्रो सेन्ट जेभियर्स इन्टर कलेज बास्केटबल कप सोमबारदेखि राजधानीमा सुरु भएको छ ।

सेन्ट जेभियर्स कलेजको बास्केटबल कोर्टमा जारी प्रतियोगितामा ९ ओटा कलेजका महिला तथा पुरुष टिमले प्रतिस्पर्धा गरिरहेका छन् ।

प्रतियोगितामा दुबै विधाका विजेता टोलीले जनही १० हजार रुपैयाँ प्राप्त गर्नेछन् ।

८ दिनसम्म सन्चालन हुने प्रतियोगिताको उपाधि भिडन्त आगामी आइतबार हुनेछ ।

महिला बास्केटबलमा नेपालको लगातार दोस्रो जित

चैत १८ । राजधानीमा जारी प्रथम दक्षिण एसियाली महिला बास्केटबल च्याम्पियनसिपमा नेपालले लगातार दोस्रो जित हासिल गरेको छ ।

पहिलो दिन बंगलादेशलाई ९२–२६ ले हराएको नेपालले ‘राउन्ड रोविन लिग’को दोस्रो खेलमा बुधबार माल्दिभ्सलाई ७७–३६ ले हरायो ।
नेपालको जितमा स्नेहा श्रेष्ठले २४ स्कोर गरिन् । स्नेहालेबंगलादेशविरुद्धको खेलमा २६ स्कोर गरेकी थिइन् ।
चौथो क्वार्टरमा १२–१७ ले पछि परेको नेपाल त्यसअघिका क्वार्टरमा भने निकै अगाडि थियो ।
नेपालले पहिलोमा २२–०, दोस्रोमा १९–१३ तथा तेस्रोमा २४–६ को अग्रता हासिल गरेको थियो ।
प्रतियोगितामा श्रीलंकाले पनि लगातार दोस्रो जित हासिल गरेको छ ।
पहिलो दिन माल्दिभ्सलाई हराएको श्रीलंकाले दोस्रो बुधबार दिन भुटानलाई ११२–३१ ले पराजित गर्‍यो ।
प्रतियोगिताअन्तर्गत् बिहीबार बंगलादेश र माल्दिभ्स तथा भुटान र नेपालबीचको खेल हुनेछ । 

दक्षिण एसियाली महिला बास्केटबलमा नेपालको विजयी सुरुआत

चैत १७ । पहिलो दक्षिण एसियाली महिला बास्केटबल प्रतियोगिता मंगलबारदेखि काठमाडौंमा सुरु भएको छ ।

त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा जारी प्रतियोगितामा नेपालले विजयी सुरुआत गरेको छ ।

नेपालले मंगलबार बंगलादेशलाई ९२–२६ को फराकिलो अन्तरले पराजित गरेको हो । नेपालका लागि स्नेहा श्रेष्ठ एक्लैले२५ स्कोर गरिन् ।

प्रतियोगिताअन्तर्गत् पहिलो दिनको पहिलो खेलमा श्रीलंकाले माल्दिभ्सलाई १०६–३७ को फराकिलो अन्तरले पराजित गर्‍यो ।

नेपाल बास्केटबल संघको आयोजनामा जारी पाँचदिने प्रतियोगितामा दक्षिण एसियाका पाँच राष्ट्रको सहभागिता छ ।

दोस्रो दिन दिउँसो २ बजे भुटानले श्रीलंकासँग तथा अपराह्न साढे ४ बजे नेपालले माल्दिभ्ससँग खेल्ने कार्यक्रम छ । 

नालान्दले उचाल्यो उपाधि

माघ २२ । पहिलो नालान्द अन्तरविद्यालय बास्केटबल प्रतियोगिताको उपाधि आयोजक नालान्द बोर्डिङ स्कुलले जितेको छ ।

विहीबार भएको फाइनल खेलमा ओसिस स्कुललाई ४९–३३ ले पराजित गर्दै नालान्दले उपाधि उचालेको हो ।
माघ १६ गतेदेखि सुरु भएको प्रतियोगितामा आयोजकसहित पाँच विद्यालयले प्रतिस्पर्धा गरेका थिए ।

‘राउन्डरोबिन लिग’का आधारमा खेलाइएको प्रतियोगिताको शीर्ष दुई स्थान ओगट्ने टोलीहरुले फाइनल खेलेका हुन् । प्रतियोगितामा बिजेता नालान्द स्कुलका हेमलाल श्रेष्ठ उत्कृष्ट खेलाडी घोषित हुँदा नालान्दकै नवीन लोहार उत्कृष्ट डिफेन्सिभ खेलाडी र क्याम्पियन स्कुलका नियोन शेरचन सर्वाधिक स्कोर गर्ने खेलाडी बने । 

डेनेब बास्केटबल आइतबारदेखि

माघ १।  डेनेब एकेडेमीको आयोजनामा छैटौं डेनेब अन्तरविद्यालय बास्केटबल प्रतियोगिता आइतबारदेखि हुने भएको छ ।प्रतियोगितामा सिनियर ब्वाइज र गल्र्स तथा जुनियर ब्वाइजमा गरी जम्मा ३८ टिमको सहभागिता रहने डेनेबका खेलकुद संयोजक विकास बोटेले जनाएका छन् । सिनियर ब्वाइजमा १६, सिनियर गल्र्समा १० तथा जुनियर ब्वाइजमा १२ टिमले प्रतिस्पर्धा गर्नेछन् ।

साग बास्केटबल टोली बैंकक जाँदै

पुष २४।  भारतमा हुने १२ औं दक्षिण एसियाली खेलकुद -साग) को तयारीका लागि नेपाली बास्केटबल टोली थाइल्यान्डको बैंकक जाने भएको छ ।

सागका लागि छनोट भएका पुरुष/महिला गरी २४ खेलाडीसहित २९ सदस्यीय टोली बैंकक जान लागेको हो । पुरुष/महिला खेलाडी संख्या समान १२-१२ रहेको छ ।

पुरुष खेलाडीमा आयुश सिंह, सौरभ श्रेष्ठ, सागर थापा, सुशील गुरुङ, सदीश प्रधान, गगनबहादुर महतारा, मविन्द्र भण्डारी, विनोद महर्जन, राजिव जोशी, सोनाम लामा, अशिम श्रेष्ठ तथा विक्रम जोशी रहेका छन् । प्रशिक्षकमा दिनेशचन्द्र नकर्मी, सहायक प्रशिक्षकमा विकु महर्जन र व्यवस्थापकमा विनोद श्रेष्ठ छन् ।

त्यस्तै महिलामा सदिना श्रेष्ठ, प्रीति तुलाचन, स्नेहा श्रेष्ठ, लुनिभा सिंह, अनुषा मल्ल, ज्ञानु गौचन, एलिना गुरुङ, भावना लामा, सुजाता राई, माया स्याङ्तान, श्रेया खड्का तथा एलिसा मल्ल छन् । प्रशिक्षकमा विकास शाही र सहायक प्रशिक्षकमा निराजन सत्याल रहेका छन् ।

प्रशिक्षक शाहीका अनुसार टोली करिब १ महिना बैंककमा रहने छ ।

ज्ञानकुञ्ज बास्केटबल बेसको उपाधि प्रहरी उच्च माविलाई

आश्विन १२।  काभ्रेमा सम्पन्न ज्ञानकुञ्ज अन्तरकलेज बास्केटबल बेसको उपाधि नेपाल प्रहरी उच्च मावि साँगाले जितेको छ ।

सोमबार भएको फाइनलमा आयोजक ज्ञानकुञ्ज कलेजलाई हराउँदै नेपाल प्रहरीले उपाधि जितेको हो । पुलिस ४९–३९ ले विजयी भयो । प्रतियोगितामा जिल्लाका ६ कलेजका ७ टिमले भाग लिएका थिए । विजेता, उपविजेतालाई काभ्रेका निमित्तप्रमुख जिल्ला अधिकारी अर्जुनकुमार शर्माले शिल्ड, मेडल तथा प्रमाणपत्र प्रदान गरेका थिए ।

लिभरपुल र मोर्गन सेमिफाइनल भिड्दै

भाद्र २४।  लिभरपुल इन्टरनेसनल कलेज र मोर्गन इन्टरनेसनल कलेज एनसेल यु-१८ अन्तरकलेज बास्केटबल प्रतियोगितामा बुधबार सेमिफाइनलमा प्रवेश गरेका छन् ।

लगनखेलस्थित आर्मी शारीरिक तालिम तथा खेलकुद केन्द्रमा भएको पहिलो सेमिफाइनलमा लिभरपुलले टाइम्स इन्टरनेसनल कलेजलाई ५४-३९ ले पराजित गर्‍यो । लिभरपुलका समिर निरौलाले १८ अंक जोडे ।

लिभरपुलले पहिलोमा १०-३, दोश्रोमा १९-१६ र तेश्रोमा १४-६ को अग्रता बनाउदै जित सम्भव तुल्याएको थियो । लिभरपुल चौथोमा ११-१४ ले पछि पर्‍यो ।

मोर्गनले जेभियर इन्टरनेसनल कलेजलाई ५०-४० ले हरायो । मोर्गनको जितमा डेन्जु गुरुङले १५ अंक योगदान गरे ।

पहिलो क्वाटरमा ९-१० को झीनो अन्तरले पछि परेको मोर्गन दोश्रोमा १६-७ ले अगाडि रह्यो । तेश्रोमा मोर्गनले १२-८ को अग्रता हासिल गर्‍यो भने चौथोमा १३-१५ ले पछि पर्‍यो ।