कार्तिक २। आईसीसी यु–१९ विश्वकप क्रिकेट छनोट प्रतियोगितामा आज नेपालले अमेरिकासँग खेल्नेछ ।
नेपाल आज लगातार तेस्रो जितको खोजीमा रहनेछ । यो खेल जितेको खण्डमा नेपाल फाईनलमा प्रवेश गर्नेछ ।
मलेसियामा जारी प्रतियोगिता जित्दै नेपाल अर्को वर्ष बंगलादेशमा हुने आईसीसीयु–१९ विश्वकप क्रिकेट प्रतियोगितामा छनौट हुने लक्ष्यमा छ ।
नेपालले जारी छनौट प्रतियोगिताको पहिलो खेलमा पपुवा न्युगिनीलाई ९ विकेटले तथा दोस्रो खेलमा युगाण्डालाई १७१ रनले पराजित गरेको थियो ।
समुहको अन्तिम लिग खेलमा नेपालले भोलि बलियो प्रतिद्वन्द्वी आयरल्याण्डसँग खेल्नेछ ।
प्रतियोगितामा नेपालसहित आयरल्याण्ड, पपुवा न्युगिनी, युगाण्डा र अमेरिका सहभागी छन् ।
प्रतियोगिताको शीर्ष स्थानमा रहने टिम अर्को वर्ष बंगलादेशमा आयोजना हुने विश्वकप क्रिकेटका लागि छानिने छ ।
Post a Comment
Thanks.