लण्डनको क्लब एमसीसी आज नेपाल आउने, ६ खेल खेल्ने

कार्तिक २७।  लण्डनको बेरिलबोन क्रिकेट क्लब (एमसीसी) आज  नेपाल आउने भएको छ । एमसीसीको टोलीले नेपालमा ६ खेल खेल्नेछ, जसमा दुई खेल नेपालको सिनियर टीमसँग हुनेछ ।

नेपाल क्रिकेट संघ क्यानले विज्ञप्ति निकालेर एमएमसीको नेपाल भ्रमणको खेल तालिका सार्वजनिक गरेको छ ।

जस अनुसार शनिबार एमएसीले नेपाल ११ र इमर्जिङ यू-१९ का खेलाडीहरुको टीमसँग टी-२० खेल्नेछ । १६ नोभेम्बरमा पोखरा ११ सँग र १८ मा नेपाल ११ र इमर्जिङ यू-१९ का खेलाडीहरुको टीमसँग एकदिवसीय म्याच खेल्नेछ ।

नोभेम्बर २० मा नेपाल बी टीमसगँ अर्को एकदिवसीय खेल हुनेछ । विश्व क्रिकेट लिग च्याम्पियनसिप खेलेर फर्किएपछि एमएमसी र नेपालको सिनियर टीमबीच टी-२० र दुईदिवसीय खेल हुनेछ ।

नोभेम्बर २१ र २२ मा दुईदिवसीय हुनेछ । नोभरम्बर २३ टी-२० म्याच हुनेछ ।