अस्ट्रेलियन ओपनको उपाधि जोकोभिचलाई

माघ १८ । सर्बियाका नोभाक जोकोभिचले यो वर्षको पहिलो ग्राण्ड स्लाम उपाधि हात पारेका छन् । अस्ट्रेलियन ओपनको पुरुष एकलतर्फ टेनिस  उपाधिका लागि भएको भिडन्तमा उनले बेलायतका एन्डी मर्रेलाई पराजित गर्दै वर्षको पहिलो ग्राण्ड स्लाम कब्जा गरेका हुन् ।

जोकोभिचले मर्रेलाई लगातार तीन सेटमा ६–१, ७–५ र ७–६ले पराजित गरे । पहिलो सेट जित्न उनलाई केवल ३० मिनेट लागेको थियो तर दोस्रो सेटमा भने उनले निकै संघर्ष गर्नु पर्‍यो । तेस्रो सेटमा पनि मर्रेले उनलाई कडा टक्कर दिए । अन्ततः टाइब्रेकरमा जोकोभिच हावी भए ।

जोकोभिचको यो छैठौं अस्ट्रेलियन ओपन उपाधि हो । उनले हालसम्म ११ ग्राण्ड स्लाम उपाधि हासिल गरेका छन् ।