कार्तिक २२ । नेपाल, पाकिस्तान विरुद्धको अभ्यास क्रिकेट खेलमा फराकिलो अन्तरले पराजित भएको छ ।
आईसीसी विश्व क्रिकेट लिग च्याम्पियनसिप अन्तर्गत पपुवा न्युगीनिविरुद्धको खेलको तयारीमा रहेको नेपालले टेष्ट मान्यता प्राप्त पाकिस्तानसँगको अभ्यास खेलमा १ सय २१ रनले हार व्यहोरेको हो ।
justify;">युएईको अबुधावीमा भएको खेलमा पाकिस्तानले दिएको ३ सय २७ रनको चुनौति पछ्याएको नेपाल निर्धारित ५० ओभरमा ५ विकेट गुमाएर २ सय ५ रनमा समेटियो ।
नेपालका लागि अनिल मण्डलले ६१, ज्ञानेन्द्र मल्लले ४१ तथा सागर पुनले ३९ रनको योगदान गरे ।
यसअघि, टस हारेर पहिले ब्याटिङ गरेको पाकिस्तानले निर्धारित ओभरमा ६ विकेट गुमाउँदै ३ सय २६ रनको विशाल योगफल तयार पारेको थियो ।
उसका लागि कप्तान अजहर अलीले सर्वाधिक ७३ रन जोडे । सोइव मल्लिकले ६३ तथा मोहम्मद हाफिजले ४९ रन बनाए । नेपालका लागि बसन्त रेग्मीले २ विकेट लिए । पारस खड्का र सागर पुनले समान १-१ विकेट झारे ।
आईसीसी विश्व क्रिकेट लिग च्याम्पियनसिप अन्तर्गत पपुवा न्युगीनिविरुद्धको खेलका लागि युएई पुगेको नेपाल र पाकिस्तानबीचको अभ्यास खेलको चाँजोपाँजो आईसीसीले मिलाईदिएको हो ।
Post a Comment
Thanks.