ARENA

कार्तिक १२।  एसियन च्याम्पियनसीपमा सहभागि हुने आर्चरी खेलाडीहरुलाई बुधबार पोखराबाट विदाई गरिएको छ ।

थाईल्याण्डको बैंककमा नोभेम्बर एकदेखि ९ तारिखसम्म हुने साफ च्याम्पियनसीपमा सहभागि हुन जान लागेका आर्चरीका अन्तर्राष्ट्रिय खेलाडी असिम शेरचन र कृष्णकुमार (के.के.) गुरुङलाई पोखरामा विदाई गरिएको हो ।

कास्की जिल्ला आर्चरी संघको आयोजनामा भएको विदाई कार्यक्रममा नेपाल आर्चरी संघका केन्द्रीय अध्यक्ष हरीध्वज तुलाचन, कास्की जिल्ला खेलकुद विकास समितिका अध्यक्ष यामबहादुर गुरुङ, क्षेत्रीय खेलकुद विकास समितिका निमित्त कार्यालय प्रमुख डिवी नेपाली, जिल्ला खेलकुद विकास समिति कास्कीका कार्यालय प्रमुख प्रकाश बराल, संघ कास्कीका अध्यक्ष बसन्त थकाली, क्षेत्रीय प्रशिक्षण प्रमुख बिद्या मर्सानीलगायतले अविर र खादा लगाइदिएर पूर्ण सफलताको कामना गरेका थिए ।

शेरचन र गुरुङसहित जितबहादुर मोक्तान, प्रेमप्रसाद पुन र एक महिला खेलाडी कृष्ण माया स्याङतेन साफ च्याम्पीयनसिपमा सहभागि हुँदैछन् ।

विदाई कार्यक्रममा बोल्दै आर्चरी खेलाडी असिम शेरचनले आर्चरीमा नेपालको सम्भावना राम्रो रहेको बताए ।

अर्का खेलाडी केके गुरुङले पनि मलेसिया पछि नेपाल आर्चरीमा बलियो रहेको दाबी गर्दै यो खेल नेपालका लागि सम्भावना भएको जिकिर गरे ।

आर्चरीका खेलाडीहरु विहीबार विहान पोखराबाट काठमाडौं जानेछन् भने शुक्रबार काठमाडौंबाट थाईल्याण्ड प्रस्थान गर्नेछन् ।

कार्तिक ११ । शीर्ष क्लवहरु आर्सनल र चेल्सी इंग्लीश क्यापिटल वान कप फुटबल प्रतियोगिताबाट बाहिरिएका छन् ।

गएराति भएको खेलमा शेफिल्ड वेनस्डेसँग ३–० ले पराजित भएपछि आर्सनल प्रतियोगिताबाट बाहिरिएको हो ।

यसैगरी स्टोक सिटीसँग पेनाल्टी शुट आउटमा ५–४ ले पराजित हुँदै चेल्सी पनि प्रतियोगिताबाट बाहिरिएको छ ।

क्यापिटल वान कप फुटबल अन्तर्गत गएरातिका अन्य खेलहरुमा एभर्टन र हल सिटी विजयी भए । एभर्टनले नर्वीच सिटीलाई पेनाल्टी सुट आउटमा हराँउदा हल सिटीले पनि लेष्टर सिटीलाई पेनाल्टी सुट आउटमा ५–४ ले पराजित गरेको हो ।

कार्तिक १० । अन्तर्राष्ट्रिय फुटबल महासंघ (फिफा)को अध्यक्षमा ९ जनाले उम्मेदवारी दिएका छन् । फिफाको नयाँ अध्यक्षका लागि उम्मेदवारी घोषणा गर्ने समय सकिएसँगै अध्यक्षमा ९ प्रत्याशी देखा परेका हुन् ।

आर्थिक अनियमितता, भ्रष्टाचार र सम्पत्ति शुद्धिकरण लगायतका मुुद्दामा फिफाको वर्तमान नेतृत्वपंक्ति मुछिएपछि विश्वफुटबलको सर्वोच्च निकायमा नेतृत्वको संकट चुलिएको छ । यस्तो अवस्थामा अध्यक्ष सेप ब्लाटरले पद त्याग्ने घोषणा गर्दै आगामी फेब्रुअरीमा विशेष साधारणसभा बोलाएका छन् ।

ज्युरिचमा हुने त्यही साधारणसभाले फिफाको नयाँ अयक्ष चयन गर्नेछ । फिफा अध्यक्षका लागि युरोपियन फुटबल महासंघ (युएफा)का महासचिव जियानी ईन्फान्टीनोले पनि उम्मेदवारी दिएका छन् । युएफा अध्यक्ष मिचेल प्लाटिनी समेत ब्लाटरसँगै आर्थिक अनियमितताको आरोपमा मुछिएर निलम्बित भएपछि युएफाबाटै अर्को उम्मेदवारले मनोनयन दिएको बताईएको छ ।

स्विस फुटबल प्रशाशक ईन्फान्टिनोलाई प्लाटिनीको विकल्पको रुपमा हेरिएको छ ।

प्लाटिनी र ईन्फान्टिनो बाहेक जोर्डनका राजमुकार अली बीन अल हुसैन, एसियाली फुटबल महासंघ (एएफसी)का अध्यक्ष शेख सलमान बिन ईब्राहिम अल खालीफा, दक्षिण अफ्रिकाका टोक्यो सक्सवेल, ट्रिनिडाड एण्ड टोबागोका डेभिड नाखिद, फिफाका पूर्व पदाधिकारी जेरोमी स्याम्पेन, लाईबेरियन फुटबल संघका अध्यक्ष मुसा बिलीटी र नाईजेरियाका सेगुन ओडेग्बाकीले पनि फिफा अध्यक्षमा उम्मेदवारी दिने घोषणा गरेका छन् ।

सबै उम्मेदवारले कम्तिमा ५ सदस्य राष्ट्रको लिखित समर्थन जुटाउनुपर्ने फिफा विधानमा उल्लेख छ । फिफाले उम्मेदवारहरुको मनोनयन सुची भने सार्वजिनक गरेको छैन । 

कीर्गिस्तानमा हालै सम्पन्न छनोटमा नेपाल उपविजेता हुँदै उत्कृष्ट उपविजेताका रुपमा च्याम्पियनसिपका लागि छनोट भएको थियो । तर, एएफसीले सोमबार बढी उमेरका खेलाडी खेलाएको भन्दै नेपाललाई अयोग्य घोषित गरेको छ ।

अखिल नेपाल फुटबल संघ एन्फाका सीइओ इन्द्रमान तुलाधरले आफूले पनि एएफसीको निर्णय थाहा पाएको बताए । एएफसीको निर्णय दुःखद भएको भन्दै उनले त्यसविरुद्ध नेपालले अपिल गर्ने बताए । उनले भने-‘पहिला पनि यस्तो समस्या आएकाले हामीले यो पटक शंका लागेका खेलाडीहरुको एमआरआई गरेका थियौं ।’

स्रोतका अनुसार मेडिकल टेष्टका क्रममा नेपाली टीम कप्तान मनिष कार्कीको उमेर बढी देखिएको छ ।

एएफसीले बढी उमेरका खेलाडी खेलाएको भन्दै नेपाललाई १० हजार डलर जरिवाना समेत गरेको छ ।

कार्तिक ९।  विश्वचर्चित बेलायती फुटबल खेलाडी डेभिड बेकह्याम फुटबल खेल्न नेपाल आउने भएका छन् । व्यावसायिक फुटबलबाट सन्यास लिएको झण्डै दुइ वर्षपछि उनी सातदिने फुटबल अभियानका क्रममा नेपाल आउने भएका हुन् ।

कार्तिक ९ । पाँचौं खेलमा भारतलाई २१४ रनले पराजित गर्दै दक्षिण अफ्रिकाले ५ खेलको एक दिवसीय क्रिकेट श्रृंखला ३–२ ले जितेको छ ।

मुम्बईमा आइतबार राति सम्पन्न पाँचौं तथा निर्णायक खेलमा २१४ रनको विशाल अन्तरले जित हात पार्दै दक्षिण अफ्रिकाले श्रृंखलामाथि कब्जा जमाएको हो ।

दक्षिणअफ्रिकाले जितका लागि दिएको ४३९ रनको विशाल चुनौति पछ्याउने क्रममा भारत ३६ ओभरमा अल आउट हुँदै २२४ रनमा समेटियो । भारतका लागि अजिन्क्या रहानेले ८७ तथा शिखर धवनले ६० रन जोडे । कप्तान महेन्द्र सिंह धोनीले २७ रन जोड्नुबाहेक अन्य ब्याट्सम्यान क्रिजमा टिक्न नसक्दा भारतले ठूलो अन्तरले हार ब्यहोरेको हो ।

दक्षिण अफ्रिकाका कागिसो रबादाले ४ तथा डेल स्टेनले ३ विकेट लिए भने इमरान ताहिरले २ विकेट लिए ।

यसअघि पहिले ब्याटिङ गरेको दक्षिण अफ्रिकाले शानदार प्रदर्शन गर्दै निर्धारित ५० ओभरमा ४ विकेटको क्षतिमा ४३८ रनको विशाल योगफल बनाएको थियो । उसका लागि तीन खेलाडीले शतक प्रहार गरे ।

फाप डु प्लेसिसले रिटायर्ट हर्ट हुनुपूर्व ११५ बलमा १३३ रन बनाए । त्यस्तै कप्तान एबी डे भिलियर्सले ६१ बलमा ११९ रन जोडे ।

ओपनिङ्ग ब्याट्सम्यान क्विन्टन डे ककले ८७ बलमा १०९ रन बनाए । एकै इनिङ्गमा तीन शतक बनेको यो अहिलेसम्मकै दोस्रो पटक हो ।

कार्तिक ९ । इङ्गलिश प्रिमियर लिग फुटबलमा म्यानचेस्टर सिटी र म्यानचेस्टर युनाईटेडले बराबरी खेलेका छन् । गएराति म्यानचेस्टर युनाईटेडको मैदान ओल्ड ट्राफोर्डमा भएको खेल गोलरहित बराबरीमा सकिएको हो ।

बहुचर्चित म्यानचेस्टर डर्बी बराबरीमा सकिएपछि उपाधि होडमा आर्सनललाई फाईदा पुगेको छ ।

justify;">प्रिमियर लिग अन्तर्गत गएरातिका अन्य खेलहरुमा सण्डरल्याण्ड र टोटनह्याम हट्सपर विजयी भएका छन् । लण्डन क्लव टोटनह्याम हट्सपरले बर्नमाउथलाई ५–१ ले हराँउदा सण्डरल्याण्डले आफ्नै शहरको प्रतिद्वन्द्वी न्युकासल युनाईटेडलाई ३–० ले पराजित गर्‍यो ।

उता लिभरपुल र साउथ ह्याम्पटनले भने १–१ गोलको बराबरी खेलेका छन् । नयाँ प्रशिक्षक यर्गेन क्लपको प्रशिक्षणमा लिभरपुलको यो लगातार दोस्रो बराबरी हो ।

गएरातिका खेलहरुपछि प्रिमियर लिगको अंक तालिकामा १० खेलबाट २२ अंक जोडेको म्यान्चेस्टर सिटी शीर्ष स्थानमा फर्किएको छ । समान खेलबाट २२ अंक जोडेको आर्सनल गोल अन्तरको आधारमा दोस्रो स्थानमा झरेको छ भने तेस्रो स्थानको वेष्ट ह्याम युनाईटेडको २० अंक छ ।

कार्तिक ९।  १२ औं दक्षिण एसियाली खेलकुद (साग) फेरी सरेको छ । भारतको गुहाटी र सिलोङ्मा हुने तय भएको साग सुरु हुने मिति दोस्रो पटक सरेको हो ।

आसामका मुख्यमन्त्री तरुण गोगोइले प्रतियोगिता अब फब्रुअरी ६ देखि १६ सम्म हुने बताएको भारतीय सञ्चारमाध्यमले जनाएका छन् । यसअघि डिसेम्बर १० देखि २० सम्म हुने तय भएको प्रतियोगिता पछि जनवरी १० देखि २२ सम्म हुने गरी सारिएको थियो ।

आसाम राज्य र केन्द्रीय खेलकुद मन्त्रालयबीचको समन्वयको अभावमा सागको मिति बारम्बार सरको हो । आसाममा जनवरीमा ‘माघ बिहु’ चाड मनाइने भएकाले पनि पूर्व निर्धारित मितिमा प्रतियोगिता गर्न नसकिने मुख्य मन्त्री गोगोईले बताए ।

यसअघि ११ औं साग सन् २०१० मा बंगलादेशको ढाकामा भएको थियो । सागमा नेपालसहित भारत, बंगलादेश, पाकिस्तान, श्रीलंका, भुटान,  माल्दिभ्स र अफगानिस्तान सहभागी हुनेछन ।

कार्तिक ८।  राष्ट्रियगान सर्जक व्याकुल माइलाको जन्मथलोमा प्रत्येक वर्ष सञ्चालन हुँदै आएको गोल्डकपको पाँचौं संस्करण सोमबार सुरु हुँदै छ । व्याकुल माइला गोल्डकप नाम दिइएको यस फुटबल प्रतियोगिता ओखलढुंगाको थाक्ले-८, सोक्मटारस्थित दूधकोसी किनारमा ९ दिन सञ्चालन हुने आयोजकले जानकारी दिएका छन् ।

‘खेलकुदको माध्यमबाट विकासको अभियान’ भन्ने नारासहित सञ्चालन हुँदै आएको यस फुटबल प्रतियोगिता ‘बहुआयामिक विकास अभियान’का रूपमा रहेको आयोजक बताउँछन् । आयोजक संस्था दुधकौशिका प्राविका प्रधानाध्यापक आश्राचन राईले यो गोल्डकपको मुख्य उद्देश्य खेलकुदलगायत विकास निर्माण र विविध पक्षबाट पिछडिएको यस ठाउँका प्रतिभालाई मौका प्रदान गर्नु, यस क्षेत्रको समग्र विकास कार्य सम्बन्धमा आवाज उठाउनु, राष्ट्रियगान रचनाकार जन्मिएको हिलेपानी सोक्मटार गाउँलाई चिनाउनु रहेको बताए ।

आयोजक संस्था हिलेपानी फुटबल क्लबका महासचिव पूर्णसिंह राईका अनुसार यसपटक ओखलढुंगा, खोटाङ, उदयपुर, सिन्धुली र ललितपुर जिल्लाका गरी १८ टिमको सहभागिता रहनेछ ।

कार्तिक ८।  इङ्गलिस प्रिमियर लिग फुटबल अन्तर्गत गएराती भएको खेलमा आर्सनल विजयी भएको छ । लण्डन क्लव आर्सनलले एभर्टनलाई २–१ ले पराजित गरेको हो ।

खेलमा आर्सनललाई विजयी गराउन ओलिभर जिरु र लरेन कोसेल्नीले एक–एक गोल गरे । एभर्टनका रोस बार्क्लेले एक गोल फर्काए ।

प्रिमियरलिग अन्तर्गतकै अर्को खेलमा चेल्सीलाई वेष्ट ह्याम युनाईटेडले २–१ ले पराजित गरेको छ ।

उता वाट्फोर्डले स्टोक सिटीलाई २–० ले हराँउदा स्वान्सी सिटीले एस्टन भिल्लालाई २–१ ले पराजित ग¥यो । लेष्टर सिटीले क्रिष्टल प्यालेसलाई तथा वेष्ट ब्रोमले नर्विच सिटीलाई १–० ले पराजित गरे ।

गएरातिका खेलहरुपछि प्रिमियर लिगको अंक तालिकामा १० खेलबाट २२ अंक जोडेको आर्सनल शीर्ष स्थानमा उक्लिएको छ । एक खेल कम खेलेको म्यानचेस्टर सिटी २१ अंक सहित दोस्रो स्थानमा छ भने १० खेलबाट २० अंक जोडेको वेष्ट ह्याम युनाईटेड तेस्रो स्थानमा छ ।

कार्तिक ४।  मलेसियामा जारी आइसीसी यु–१९ विश्वकप क्रिकेट छनोट प्रतियोगिताअन्तर्गत् समूह चरणको अन्तिम खेलमा नेपालले अहिले आयरल्यान्डसँग खेलिरहेको छ ।

क्वालालम्पुरको किन्रारा ओभलमैदानमा जारी खेलमा आयरल्यान्डले टस जितेर पहिले ब्याटिङ गरिरहेको छ । आयरल्यान्डले ४० ओभरको समाप्तीसम्म ७ विकेट गुमाएर १२४ रन जोडेको छ ।

यसअघि, समूहमा तीन/तीन खेल जित्दै दुबै टोली फाइनलमा पुगिसकेको अवस्थामा आजको खेल औपचारिकतामा मात्रै सीमित बनेको छ ।

यी दुई टोलीहरुबीच विहीबार हुने फाइनल खेलले विश्वकपमा छानिने एक टोलीको टुंगो लगाउनेछ ।

छनोट प्रतियोगिताको उपाधि जित्ने टोलीले आगामि जनवरीमा बंगलादेशमा हुने आइसीसी यु–१९ विश्वकप क्रिकेट खेल्न पाउने भएकोले विहीबारको फाइनल खेल दुबै टोलीको लागि निकै महत्वपूर्ण रहेको छ 

कार्तिक ३।  अमेरिकालाई पराजित गर्दै नेपाल यू-१९ विश्वकप छनोट क्रिकेटको फाइनलमा प्रवेश गरेको छ ।

लगातार तेस्रो जित हात पार्ने क्रममा नेपालले अमेरिकालाई डीएल मेथडका आधारमा ६ विकेटले पराजित गरेको छ । जितसँगै ३ खेदबाट ६ अंक जोडेको नेपाल समूह चरणको अन्तिम खेल अघि नै फाइनलमा पुगेको छ ।

समान ६ अंक जोडेको आायरल्याण्ड पनि फाइनलमा पुगेको छ । र, अब अर्को बंर्ष बंगलादेशमा हुने विश्वकपमा स्थान बनाउन नेपालले आयरल्याण्डलाई हराउनु पर्नेछ ।

फाइनल अघि समूह चरणको अन्तिम खेलमा पनि नेपाल र आयरल्याण्ड भिड्नेछन् ।

मलेसियाको किनरारा ओभरमा भएको खेल वर्षाका कारण प्रभावित भएको थियो । पहिले ब्याटिङ गरेको अमेरिकाले ३५ ओभरमा ७ विकेट गुमाएर ८० रन बनाउँदा खेल वर्षाले अवरुद्ध भयो । त्यसपछि ४८ ओभरमा छोट्याइएको खेलमा अमेरिकाले सबै विकेट गुमाएर १०९ रन बनायो ।

डीलए मेथडका आधारमा नेपालले ४८ ओभरमा १०९ रन बनाउनु पर्ने लक्ष्य पायो । योगेन्द्र सिंह कार्कीको अर्धशतकको मदतमा नेपालले मात्र १७.५ ओभरमा ४ विकेट गुमाएर जित हात पार्‍यो । छक्का हान्दै नेपाललाई जित दिलाएर शौरभ खनाल १६ र योेगेन्द्र ५३ रनमा अविजित रहे ।

सुनिल धमलाले १७ । शंकर रानाले २० रन बनाए । दिपेन्द्र सिंह ऐरी मात्र ५ र कप्तान राजु रिजाल ६ रनमा आउट भए ।

कार्तिक २।  इंग्लिस प्रिमियर लिग फुटबलमा आर्सनल र म्यानचेष्टर युनाइटेडले लिग लिडर म्यानचेष्टर सिटीमाथि दबाव कायमै राखेका छन् ।

शनिबार राति भएको खेलमा सिटीले बोर्नमाउथलाई ५-१ गोल अन्तरले पराजित गरेको थियो । लगतै भएको खेलमा आर्सनल र युनाइटेड पनि विजयी भएका छन् ।

आर्सनलले वाटफोर्डलाई ३-० ले पराजित गरेको छ । वाटफोर्डले पहिलो हाफ आर्सनललाई गोलरहित बराबरीमा रोकेको थियो ।

तर, दोस्रो हाफमा तीन गोल गरेको छ । ६२ औं मिनेटमा एलेक्स सान्चेजले खाता खोले । ६ मिनेटपछि नै ओलिभर जिरउडले गोल गरे भने ७४ औं मिनेटमा राम्सीले गोल गर्दै आर्सनललाई ३-० को जित दिलाए ।

म्यानचेष्टर युनाइटेडले इभर्टनलाई ३-० ले नै हराएको छ । उसका जितमा मोर्गन स्नाइडरलिन, हरेरा र वायन रुनीले गोल गरे ।

अर्को खेलमा चेल्सीले एस्टनभिल्लालाई २-० ले पराजित गरेको छ । उसको जितमा डिएगो कोष्टाले गोल गरे । अर्को गोल भने उपहार गोल थियो ।

जितपछि आर्सनल १९ अंकका साथ दोस्रो स्थानमा छ र लिग लिडरभन्दा मात्र २ अंकले पछि छ । युनाइटेडको समान १९ अंक नै भएपनि
गोल अन्तरका आधारमा तेस्रो स्थानमा छ ।

यो सिजन निकै खराव लयमा रहेको चेल्सी भने ११ अंकसहित ११ औं स्थानमा छ ।

कार्तिक २।  सुशील पौडेल र ऋषि बरालको जोडीले शेर बहादुर खड्का स्मृति खुल्ला ब्याडमिन्टन प्रतियोगिताको भेट्रान डबलमा आईतबार पहिलो स्थान हात पारेका छन् ।

बालकोटस्थित माउन्ट भ्यू स्कुलमा भएको फाईनल खेलमा सुशील र ऋषिले गोबिन्दसिंह भण्डारी र मोती पाठकको जोडीलाई २१–१६ र २१–११ को सोझो सेटमा हराउँदैउपाधि जितेका थिए ।

शेरबहादुर खड्का स्मृति प्रतिष्ठानद्वारा आयोजित प्रतियोगिताको पुरुष डबलमा रन्जन खड्का र मनिष पराजुलीको जोडी सेमीफाईनलमा प्रवेश गरेका छन् ।

क्वाटर फाईनलमा रन्जन र मनिषको जोडीले ध्यानकुमार राई र महेश चौधरीको जोडीलाई २–० को सोझोे सेटमा हराएका थियो ।

त्यस्तै राजु केसी र सुभाष थापाको जोडीले पनि जित हात पार्दै सेमिफाईनलमा रन्जन र मनिषको जोडीसँग भेट पक्का गरेका छन् । क्वाटर फाईनलमा राजु र सुभाषको जोडीले विपिन आचार्य र बलराम भण्डारीको जोडीलाई २–१ ले स्तब्ध पारेका थियो ।

पुरुष डबलको अन्य खेलमा गोपाल खनाल र भुमिसिंह चौधरीको जोडीले संजिव कटुवाल र घनेन्द्र लिम्बुको जोडीलाई तथा सुशील पौडेल र कृष्ण कटुवालको जोडीले भगत रानाभाट र विकास भण्डारीको जोडीलाई समान २–१ को स्कोरले हराउँदै क्वाटर फाईनलमा आपसमा भेट पक्का गरेका छन् ।

विजयादशमीको उपलक्ष्यमा आयोजना गरिएको पुरुष एकलको समूह ‘ख’को खेलमा घनेन्द्र लिम्बुले रन्जन खड्कालाई २–० को सोझो सेटमा हराउँदै अन्तिम चारमा स्थान बनाएका छन् । त्यसैगरी मनिष पराजुलीले ब्रवीन थापालाई २–० को सोझो सेटमा हराउँदै घनेन्द्रसँग सेमिफाईनलमा भेट पक्का गरेका छन् ।

पुरुष एकलको समूह ‘क’बाट  सुनिल शाक्यले महेश चौधरीलाई २–० को सोझो सेटमा हराउँदै अन्तिम चारमा स्थान बनाएका छन् । समूह ‘क’बाटै संजिब कटुवाल र रसिन खड्काले आ–आफ्नो खेल जित्दै क्वाटर फाईनलमा आपसमा भेट जुराएका छन् ।

कार्तिक २।  राजधानीमा जारी सुपर लिग क्रिकेटको दोस्रो चरणको खेलमा नेपाल ‘बी’ ले शतप्रतिशत नतिजा ल्याएको छ । नेपाल ‘बी’ ले आइतबार कीर्तिपुर मैदानमा भएको खेलमा नेपाल ‘ए’ माथि ७ रनको रोमाञ्चक जित हासिल गरेको हो ।

पहिले ब्याटिङ्ग गरेको नेपाल ‘बी’ का लागि कप्तानज्ञानेन्द्र मल्लको शानदार शतकको मद्दतले ४८ ओभर ४ बलमा सबै विकेट गुमाएर २५१ रन बनायो । ज्ञानेन्द्रले ९१ बलमा रिटायर्ड हर्ट हुनुपूर्व १०३ रन बनाए । इर्शाद अहमदले ३ विकेट झारे ।

जवाफमा नेपाल ‘ए’ ले ४८ ओभर ४ बलमै सबै विकेट गुमाएर २४४ रनमात्र बनाउन सक्यो । कप्तान पारस खड्काले ८५ रन बनाए पनि टिमलाई जिताउन सकेनन् ।

अलराउण्ड खेल्दै ‘म्यान अफ द म्याच’ बन्ने क्रममा ज्ञानेन्द्रले २१ रन खर्चेर ३ विकेट लिए । त्यस्तै शक्ति गौचनले २४ रन खर्चेर ३ विकेट झारे ।

यो जितसँगै अंक तालिकामा नेपाल ‘बी’ दुई खेलबाट ४ अंकका साथ शीर्ष स्थानमा छ । एक–एक खेल खेलेका नेपाल ‘ए’ र नेपाल ‘सी’ अंकविहीन छन् ।
सुपर लिगमा आज  कीर्तिपुर मैदानमै नेपाल ‘ए’ र नेपाल ‘सी’ भिड्दै छन् ।

कार्तिक २।  आईसीसी यु–१९ विश्वकप क्रिकेट छनोट प्रतियोगितामा आज नेपालले अमेरिकासँग खेल्नेछ ।

नेपाल आज लगातार तेस्रो जितको खोजीमा रहनेछ । यो खेल जितेको खण्डमा नेपाल फाईनलमा प्रवेश गर्नेछ ।

मलेसियामा जारी प्रतियोगिता जित्दै नेपाल अर्को वर्ष बंगलादेशमा हुने आईसीसीयु–१९ विश्वकप क्रिकेट प्रतियोगितामा छनौट हुने लक्ष्यमा छ ।

नेपालले जारी छनौट प्रतियोगिताको पहिलो खेलमा पपुवा न्युगिनीलाई ९ विकेटले तथा दोस्रो खेलमा युगाण्डालाई १७१ रनले पराजित गरेको थियो ।

समुहको अन्तिम लिग खेलमा नेपालले भोलि बलियो प्रतिद्वन्द्वी आयरल्याण्डसँग खेल्नेछ ।

प्रतियोगितामा नेपालसहित आयरल्याण्ड, पपुवा न्युगिनी, युगाण्डा र अमेरिका सहभागी छन् ।

प्रतियोगिताको शीर्ष स्थानमा रहने टिम अर्को वर्ष बंगलादेशमा आयोजना हुने विश्वकप क्रिकेटका लागि छानिने छ ।

आश्विन ३०।  सातौं राष्ट्रिय खेलकुद अन्तरगत १९ औं राष्ट्रिय पौडीको तेश्रो तथा अन्तिम दिन शुक्रबार नेपाली सेना टिम च्याम्पियन बन्न सफल भएको छ ।

सेनाले ३२ स्वर्ण पदकको लागि भएको प्रतिस्पर्धामा २५ स्वर्ण, १३ रजत र ११ कास्यका साथ प्रथम स्थान हात पार्न सफल भएको हो । दोश्रो स्थानमा मध्यमाञ्चलले ७ स्वर्ण, १६ रजत र ११ कास्य पायो । तेश्रो स्थानमा रहेको पश्चिमाञ्चलले २ रजत र ३ कास्य पदक पायो ।

राष्ट्रिय खेलकुद परिषदको आयोजनामा नेपाल पौडी संघद्वारा संचालित प्रतियोगिताको अन्तिम दिन पनि तीन राष्ट्रिय कीर्तिमान कायम भएको छ ।

सेनाका शिरिष गुरुङ्गले राष्ट्रिय किर्तिमान कायम गर्ने सिलसिलालाई निरन्तरता प्रदान आज पनि २ राष्ट्रिय किर्तिमान कायम गरे । उनले ४ सय मिटर ब्यक्तिगत मिड्लेमा चौथो एनएसए कप २०१४ मा आफ्नै नाममा राखेको ५ मिनट १५.३५ सेकेन्डको समयमा सुधार गर्दै ५ मिनट ११.७२ सेकेन्डका साथ नयाँ राष्ट्रिय किर्तिमान कायम गरे ।

यस्तै उनले १०० मिटर ब्याक स्ट्रोकमा १२ खुला पौडी प्रतियोगिता २००१ मा पुष्पराज शाहीले राखेको १ मिनट १३.१७ सेकेन्डलाई पछि पार्दै १ मिनट १२.०९ सेकेन्डको समय आफ्नो नाममा लेखाउन सफल भए । यससँगै शिरिषले १६ स्वर्ण पदकका साथै ६ राष्ट्रिय किर्तिमान कायम गरे ।

अर्को राष्ट्रिय किर्तिमान सेनाकै सोफिया शाहको नाममा रहृयो । सोफियाले आफ्नो नाममा पाचौं एनएसए कपमा ५० मिटर फ्रिस्टायलमा राखेको २९.३३ सेकेन्डको समयमा सुधार गर्दै २९.२२ सेकेन्डको समय निकालिन् । उनले प्रतियोगिताको हिट चरणमा उक्त किर्तिमान बनाएकी हुन् । सोफियाले शुक्रबार तीन स्वर्ण पदक प्राप्त गरिन् ।

आश्विन २८।  अन्डर नाइन्टिन विश्वकप क्रिकेट छनोट प्रतियोगिता आज (बिहीबार)बाट मलेसियामा सुरु हुँदैछ ।

नेपालले आफ्नो पहिलो खेलमा आज पपुवा न्युगिनीसँग खेल्नेछ । प्रतियोगितामा नेपालसहित आयरल्याण्ड, पपुवा न्युगिनी, युगाण्डा र अमेरिका सहभागी छन् ।

राउण्ड रोबिन लिगका आधारमा खेलिनेप्रतियोगिताको शीर्ष स्थानमा रहने टिम विश्वकप क्रिकेटका लागि छानिने छ ।

अन्तर्राष्ट्रिय क्रिकेट परिषद् आईसीसीले क्षेत्रीय छनोट प्रतियोगिता सम्पन्न गरिसकेपछि सबै समुहका उपविजेता टोलीका लागि अन्तिम मौका स्वरुप यो प्रतियोगिता आयोजना गरेको हो ।

आश्विन २७। गैर आवसीय नेपाली संघ (एनआरएनए) को खेलकुद गिभागले पाँच खेलाडीलाई नगद सहित सम्मान गरेको छ ।नेपाली खेलकुमा पुर्‍याएको योगदानको कदर गर्दै एनआरएनएको सातौं अधिवेशन तथा विश्व सम्मेलनको अवसरमा खेलाडीलाई सम्मान गरिएको हो । म्याराथनका हरिबहादुर रोकाया र जीतबहादुर केसी, अल्ट्रा धाविका मिरा राई तथा कुस्तीका सत्येन्द्रप्र्रसाद यादव सम्मानित भए । भलिबलका तत्कालिन मुख्य प्रशिक्षक स्वर्गिय केशवलाल श्रेष्ठलाई पनि मरणोपरन्त सम्मान गरिएको छ । प्रशिक्षक केशवको वैशाख १२ को विनाशकारी भूकम्पमा परि निधन भएको थियो । सबैलाई जनही २५ हजार नगद पुरस्कार प्रदान गरिएको थियो । १९९७ देखि लगातार तीनपटक एभरेस्ट म्याराथन उपाधि जितिसकेका रोकाया हाल जुम्लामा हाई अल्टिच्युटका खेलाडी उत्पादनमा सक्रिय छन् भने जीतबहादुर केसी नेपाललाई पहिलो अन्तराष्ट्रिय पदक दिलाउने खेलाडी हुन् । मिराले पछिल्लो समय अन्तराष्ट्रिय अल्ट्रा दौडमा चर्चित छिन् । सम्मान कार्यक्रममा नेपाल राष्ट्रिय तथा अन्तर्राष्ट्रिय खेलाडी संघका अध्यक्ष ओलम्पियन दिपक बिष्टले नेपाली खेलाडीलाई बैदैशिक प्रशिक्षणमा सघाउन एनआएनए समक्ष आग्रह गरेका थिए । एनआरएनए खेलकुद विभागका संयोजक नारायण गुरुङले आउदा बर्षमा सम्मानको राशी बृद्धि गर्दै लैजाने प्रतिबद्धता ब्यक्त गरे ।

आश्विन २६।  २३ औं एसकेडियुएन विश्व सोतोकान कराते च्याम्पियनसिप तथा आठौं एसकेडियुएन कोहाई विश्वकपमा नेपालले दुई कांस्य पदक जितेको छ ।

सर्वियाको सुवोटिकामा सम्पन्न प्रतियोगितामा नेपालका विन्दान थापा मगर र रुपेश कुँवरले कांस्य पदक जितेका हुन् ।

आठौं कोहाई (जुनियर) विश्व कपको १४-१५ वर्षको ब्वाईज क्याडेट ईभेन्ट अन्तरगत ५५ केजी मुनि तौलसमूहको व्यक्तिगत कुमुतेतर्फ विन्दान थापा मगरले वुल्गेरिया र रोमानियाका खेलाडीहरुलाई पराजित गर्दै सेमिफाइनलमा स्थान बनाउन सफल भएका थिए । उनी सेमिफाइनलमा सर्वियाका खेलाडीसँग अंकको आधारमा पराजित हुँदै कास्यमा चित्त बुझाउन बाध्य भए ।

१२-१३ वर्ष उमेरको मिनि क्याडेट ईभेन्ट अन्तरगत ५५ केजी तौलसमूहको व्यक्तिगत कुमुतेमा रुपेश कुँवर पनि सर्वियाका खेलाडीसंग पराजित हुँदै काँस्य पदक प्राप्त गर्न सफल भए ।

उनले पनि रोमानिया र बुल्गेरियाका खेलाडीलाई पराजित गर्दै सेमिमा स्थान बनाएको प्रमुख प्रशिक्षक गोविन्द श्रेष्ठले सर्वियाबाट जानकारी गराए ।

आश्विन २६।  त्रिभुवन आर्मी क्लबले मोफसलको टोली लुम्बिनी फुटबल क्लबलाई पराजित गर्दै राष्ट्रिय लिग फुटबलको शीर्ष स्थानमा उक्लिएको छ ।

सातदोबाटोस्थित एन्फा कम्प्लेक्समा सोमबार भएको खेलमा लुम्बिनीलाई ५–० गोलअन्तरले पराजित गर्दै आर्मीले उपाधि होडलार्इ थप बलियो बनाएको छ ।

१५ खेल खेलेको आर्मीले ३० अंक जोडेपछि लिगको शीर्ष स्थान छ । थ्रीस्टार २९ अङ्कका साथ लिगको दोस्रो स्थानमा छ भने २८ अङ्क जोडेको मनाङ मस्र्याङ्दी क्लब तेस्रो स्थानमा छ । दुवै टोलीले समान १४/१४ खेल खेलेका छन् ।

खेलमा आर्मीले चौथो मिनेटमा नै भरत खवासको गोलबाट अग्रता लिएको थियो । उनले नवयुग श्रेष्ठको पासमा गोल गरेका थिए । आर्मीले खेलको दोस्रो हाफमा चार गोल थप्यो । खेलको दोस्रो हाफमा टंक बस्नेत र नवयुग श्रेष्ठले समान २/२ गोल गरे । बस्नेतले खेलको ६३ औँ मिनेटमा दीप लामाको पासलाई सदुपयोग गर्दै गोल गरे । त्यस्तै श्रेष्ठले भने खेलको ७५ र ७८ औँ मिनेटमा दुई गोल थपे ।

त्यसैगरी श्रेष्ठले गोल गरेको पाँच मिनेट पनि बित्न नपाउँदै बस्नेतले एक गोल गरे । उनले खेलको ८३ औँ मिनेटमा एक गोल थपेपछि आर्मीले लुम्बिनीमाथि ५–० को सहज जित हात पारेक छ । आर्मीका भरत म्यान अफ द म्याच बने ।

आश्विन २४।  आसन्न दक्षिण एशीयाली खेलकुद सागबाट कराँते खेल हटाईएको छ । भारतमा आइतबार बसेको दक्षिण एशीयाली ओलम्पिक कमिटिको वैठकले १२ औं सागमा समावेश गरिने २३ खेलको टुंगो लगाँउदै कराँते खेललाई हटाएको हो ।

भारतको गुवाहाटी र सिलोङमा आगामी फेब्रुअरी महिनामा दक्षिण एशीयाली खेलकुद प्रतियोगिता सागको १२ औं संस्करणआयोजना हुँदैछ ।

आयोजक भारतको प्रस्ताव अनुसार सहभागि राष्ट्रका प्रतिनिधिहरुको वैठकले कराँते खेललाई सागबाट हटाउने निर्णय गरेको हो ।

पाँच वर्ष अघि बंगलादेशको ढाकामा सम्पन्न ११ औं सागमा पनि २३ खेल समावेश गरिएको थियो । उक्त प्रतियोगिातमा समावेश गरिएका कराँते, क्रिकेट र गल्फलाई हटाएर यसपटक टेनिस, खोखो र ट्रायथ्लनलाई समावेश गरिएको छ ।

यी बाहेक सागमा समावेश गरिएका अन्य खेलहरुमा आर्चरी, एथ्लेटिक्स, ब्याडमिन्टन, बास्केटबल, बक्सिङ, साईक्लीङ, फुटबल, ह्याण्डबल, हक्की, जुडो, कबड्डी, सुटिङ, स्क्वास, पौडी, टेबलटेनिस, तेक्वान्दो, भलिबल, भारत्तोलन, कुस्ती र उसु रहेका छन् ।

सागबाट कराँते खेल हटाईएपछि नेपालको पदक संख्या घट्ने संभावना बढेको छ । काठमाडौंमा सन् १९९९ मा सम्पन्न आठौं दक्षिण एशीयाली खेलकुदमा पहिलो पटक समावेश गरिएको कराँते खेल त्यसपछि हरेक संस्करणमा निरन्तर समावेश गरिएको थियो ।

हालसम्म नेपालले कराँते खेलमा २० स्वर्ण, ८ रजत र ११ कास्य पदकसहित कुल ३९ पदक जितेको थियो ।

आश्विन २४।  राष्ट्रिय खेलकुद परिषद् (राखेप) ले आर्थिक वर्ष २०७१/०७२ मा विभिन्न खेलको अन्तर्राष्ट्रिय प्रतियोगितामा पदक जित्न सफल खेलाडीलाई प्रोत्साहनस्वरुप आइतबार नगद पुरस्कार प्रदान गरेको छ ।

१६९ पदक विजेतालाई १२ लाख ३७ हजार ८ सय रुपैयाँ पुरस्कारस्वरुप प्रदान गरिएको राखेपले जनाएको छ ।

justify;">६२ स्वर्ण विजेतालाई १० हजारका दरले कूल ६ लाख २० हजार १ सय, ३० रजतधारीलाई ७ हजार ५ सयका दरले कूल २ लाख २५ हजार तथा ७७ काँस्य जित्नेलाई ५ हजार १ सयका दरले कूल ३ लाख ९२ हजार ७ सय रुपैयाँ नगद पुरस्कार प्रदान गरिएको हो ।

राखेप र नेपाल सरकारले दिने भनिएको खेल प्रतियोगताको पुरस्कार रकम बाहेकका खेलकुद प्रतियोगिताका पदक विजेता खेलाडीलाई नगद पुरस्कार वितरण गरिएको हो ।

त्रिपुरेश्वरस्थित राखेपको ओलम्पियन सेमी कभर्डहलमा आयोजित एक कार्यक्रमबीच राखेप सदस्य–सचिव केशवकुमार विष्टले खेलाडीलाई पुरस्कृत गरे । कार्यक्रममा सदस्य–सचिव विष्टले सानै भएपनि यस्ता प्रोत्साहनले खेलाडीको मनोबल उच्च बनाउन सहयोग पुग्ने विश्वास व्यक्त गरे ।

आश्विन २४।  इटली युरो कप फुटबलका लागि छनोट भएको छ । नेदरल्याण्डले युरोकप गुमाउने खतरा बढेको छ ।

शनिबार राति भएको खेलमा इटलीले अजरबैजानलाई ३–१ ले पराजित गरेको छ । बाकुमा भएके खेलमा अजरबैजान अन्तिम केही मिनेट १० खेलाडीमा सिमित भएको थियो ।

जितसँगै इटली २१ अंकका साथ समूह एचको शीर्ष स्थानमा छ र युरो कपका लागि छनोट भएको छ ।

शनिबार राति भएको अर्को खेलमा नर्वेले माल्टालाई २–० ले र क्रोएसियाले बुल्गेरियालाई ३–० ले पराजित गरेको छ ।

जितसँगै नर्वे १९ अंकसहित दोस्रो र क्रोएसिया १७ अंकसहित तेस्रो स्थानमा छ । अब अन्तिम खेलले युरो कपका लागि छनोट हुने दोस्रो टोलीको टुंगो लाग्नेछ ।

नेदरल्याण्डले युरो कप गुमाउने खतरा

नेदरल्याण्ड भने युरो कपका लागि छनोट नहुने सम्भावना बलियो भएको छ ।  गएराति भएको खेलमा नेदरल्याण्डले काजकिस्तानलाई २–१ ले पराजित गरेको छ ।

तर, टर्कीले चेक गणतन्त्रलाई २–० ले पराजित गर्दै तेस्रो स्थानमा उक्लिएको छ । समूह एबाट आइल्याण्ड र चेक गणतन्त्र छनोट भइसकेकाले प्ले आफ खेल्ने तेस्रो टोलीमात्र टुङ्गो लाग्न बाँकी छ ।

गएरातिको जितसँगै टर्की १५ अंकसहित तेस्रो स्थानमा उक्लिएको छ भने १३ अंक जोडेको नेदरल्याण्ड चौथो स्थानमा झरेको छ ।

छनोट चरणको अन्तिम खेलमा नेदरल्याण्ड र चेक गणतन्त्र र टर्की र आइसल्याण्ड खेल्नेछन् ।

१५ औं राष्ट्रिय शारीरिक सुगठन प्रतियोगितामा प्रवेश श्रेष्ठ र अनिलकुमार थापा च्याम्पियन बनेका छन् ।

सातौं राष्ट्रिय खेलकुद- २०७२ अन्तर्गत भएको शारीरिक सुगठन प्रतियोगितामा भक्तपुरका प्रवेश ८० केजी तौलसमूहमा पहिलो भए । सुनसरीका पारस भुजेल दोश्रो भए भने काठमाडौंका नरेश मालाकारले तेश्रो स्थानमा चित्त बुझाए ।

चितवनका अनिलले ८० केजीमाथि शीर्ष स्थान हासिल गरे । नुवाकोटका तिलक तामाङ दोश्रो र झापाका तुल श्रेष्ठ तेश्रो भए ।

राष्ट्रिय खेलकुद परिषद् (राखेप) द्वारा आयोजित प्रतियोगिताको ५५ केजीमा काठमाडौंका रवि महर्जन पहिलो, कास्कीका सुरेश गुरुङ दोश्रो र काभ्रेका उमेश बलामी तेश्रो भए ।

६० केजीमा ललितपुरका रुजेश शाहीले स्वर्ण, कपिलवस्तुका सन्जिवकुमार श्रेष्ठले रजत तथा मोरङका रमेश कार्कीले कांस्य पदक हात पारे । ६५ केजीमा झापाका रामबहादुर दाहाल पहिलो, काठमाडौंका अनिललाल श्रेष्ठ दोश्रो तथा त्रिभूवन आर्मी क्लबका दीपकध्वज शाही तेश्रो भए ।

सातौं राष्ट्रिय खेलकुदको पहिलो राष्ट्रिय प्रतियोगिताको ७० केजीमा काभ्रेका रामहरि खनाल पहिलो, भक्तपुरका उज्ज्वलरत्न वज्राचार्य दोश्रो तथा रुपन्देहीका चन्द्रमान श्रेष्ठ तेश्रो भए । ७५ केजीमा काठमाडौंका महेश्वर महर्जन पहिलो, चितवनका नवीनकुमार गुरुङ दोश्रो र दोलखाका सुवर्ण खड्का तेश्रो भए ।

प्रतियोगितामा विभिन्न २५ जिल्ला र त्रिभूवन आर्मी क्लबका गरी जम्मा ६७ पुरुष खेलाडीले विभिन्न ७ तौलसमूहमा प्रतिस्पर्धा गरेका थिए । पहिलो दिन शुक्रबार भएको पि्रजजिङ राउन्डको प्रत्येक तौलसमूहबाट ५-५ खेलाडी फाइनलमा प्रवेश गरेका थिए ।

अन्तिम दिन शनिबार तिनै खेलाडीबीच उपाधिका लागि भिडन्त भएको हो । प्रत्येक तौल समूहको उपाधि विजेता मिस्टर नेपाल समेत बनेका छन् ।

आश्विन २४।  इटली युरो कप फुटबलका लागि छनोट भएको छ । नेदरल्याण्डले युरोकप गुमाउने खतरा बढेको छ ।

शनिबार राति भएको खेलमा इटलीले अजरबैजानलाई ३–१ ले पराजित गरेको छ । बाकुमा भएके खेलमा अजरबैजान अन्तिम केही मिनेट १० खेलाडीमा सिमित भएको थियो ।

जितसँगै इटली २१ अंकका साथ समूह एचको शीर्ष स्थानमा छ र युरो कपका लागि छनोट भएको छ ।

शनिबार राति भएको अर्को खेलमा नर्वेले माल्टालाई २–० ले र क्रोएसियाले बुल्गेरियालाई ३–० ले पराजित गरेको छ ।

जितसँगै नर्वे १९ अंकसहित दोस्रो र क्रोएसिया १७ अंकसहित तेस्रो स्थानमा छ । अब अन्तिम खेलले युरो कपका लागि छनोट हुने दोस्रो टोलीको टुंगो लाग्नेछ ।

नेदरल्याण्डले युरो कप गुमाउने खतरा

नेदरल्याण्ड भने युरो कपका लागि छनोट नहुने सम्भावना बलियो भएको छ ।  गएराति भएको खेलमा नेदरल्याण्डले काजकिस्तानलाई २–१ ले पराजित गरेको छ ।

तर, टर्कीले चेक गणतन्त्रलाई २–० ले पराजित गर्दै तेस्रो स्थानमा उक्लिएको छ । समूह एबाट आइल्याण्ड र चेक गणतन्त्र छनोट भइसकेकाले प्ले आफ खेल्ने तेस्रो टोलीमात्र टुङ्गो लाग्न बाँकी छ ।

गएरातिको जितसँगै टर्की १५ अंकसहित तेस्रो स्थानमा उक्लिएको छ भने १३ अंक जोडेको नेदरल्याण्ड चौथो स्थानमा झरेको छ ।

छनोट चरणको अन्तिम खेलमा नेदरल्याण्ड र चेक गणतन्त्र र टर्की र आइसल्याण्ड खेल्नेछन् ।

आश्विन २३।  विश्व क्रिकेट लिग च्याम्पियनसिपमा पपुवा न्यूगिनीसँगको खेलको तयारीका लागि नेपाल क्रिकेट संघ क्यानले सुपर लिग खेलाउने भएको छ ।

सुपर लिग प्रतियोगिता २४ गतेदेखि काठमाडौंमा हुनेछ । क्यानको कन्ट्राक्टमा रहेका खेलाडी र प्रत्येक क्षेत्रका उत्कृष्ट खेलाडीहरु गरेर ६० जनालाई ५ समूहमा विभाजन गरिएको छ ।

राउण्ड रोविनका आधारमा हुने ५० ओभरमा प्रतियोगितामा हरेक टीमले चार चार खेल खेल्नेछ । त्यसबाट ३० खेलाडी छनोट हुनेछन् र उनीहरुलाई दुई समूहमा विभाजन गरिनेछ ।

दुई टीमले दुई वा तीन खेल खेल्नेछ र १४ सदस्यीय नेपाली टोलीको घोषणा हुनेछ । सबै खेल भिवि क्रिकेट मैदान कीर्तिपुर र पुल्चोक इन्जिनियरिङ कलेज पुल्चोकमा हुनेछ ।

विश्व क्रिकेट लिग च्याम्पियनसिपमा नेपाल र पपुवा न्यूगिनीबीच नोभेम्बर १६ र १८ मा यूएईमा खेल हुनेछ । त्यसअघि नोभेम्बर ८ मा अबुधाबीमा पाकिस्तानसँग ५० ओभरको खेल हुनेछ ।

अन्तराष्ट्रिय क्रिकेट काउन्सिल आईसीसीले बनाएको क्यालेन्डर अनुसार नेपाली टोली नोभेम्बर ३ मा यूएई पुग्नेछ । ५ र ६ मा हङकङसँग दुई दिवसीय खेल हुनेछ भने १० तारिखमा स्थानीय टीमसँग र १४ मा ओमानसँग खेल हुनेछ ।

आश्विन २३।  सातौं राष्ट्रिय खेलकुद- २०७२ को पहिलो प्रतियोगिताका रुपमा १५ औं राष्ट्रिय शारीरिक सुगठन प्रतियोगिता सुरु भएको छ ।

राष्ट्रिय खेलकुद परिषद्को आयोजनामा शुक्रबारदेखि सातदोबाटोस्थित अन्तर्राष्ट्रिय खेलकुद परिसरमा सुरु भएको प्रतियोगितामा विभिन्न २५ जिल्ला र त्रिभूवन आर्मी क्लबका जम्मा ६७ पुरुष खेलाडीले विभिन्न ७ तौलसमूहमा प्रतिस्पर्धा गरिरहेका छन् ।

पहिलो दिन पि्रजजिङ राउन्ड सम्पन्न भएको छ । प्रत्येक तौलसमूहबाट ५ का दरले ३५ खेलाडीले फाइनल यात्रा गरेका छन् । फाइनल शनिबार हुनेछ ।

५५ केजीमा झापाका छत्रबहादुर श्रेष्ठ, कास्कीका सुरेश गुरुङ, काठमाडौंका रवि महर्जन, काभ्रेका उमेश बलामी र ललितपुरका नमराज लुइटेल फाइनलमा पुगे । ६० केजीमा भक्तपुरका कृष्णबहादुर श्रेष्ठ, कपिलवस्तुका सन्जिवकुमार श्रेष्ठ, ललितपुरका रुजेश शाही, मोरङका रमेश कार्की र रुपन्देहीका सुनील आले फाइनलमा प्रवेश गरे ।

६५ केजीमा भक्तपुरका गंगाराम गोरखाली, झापाका रामबहादुर दाहाल, काठमाडौंका अनिललाल श्रेष्ठ, मोरङका विकास धिमाल र आर्मीका दीपध्वज ठकुरी उपाधि होडमा सामेल भएका छन् । ७० केजीमा भक्तपुरका उज्ज्वलरत्न वज्राचार्य, काठमाडौंका कणिर्क शाक्य, काभ्रेका रामहरि खनाल, खोताङका देवराज पराजुली र रुपन्देहीका चन्द्रमान श्रेष्ठले फाइनल यात्रा पक्का गरे । ७५ केजीमा बाँकेका दीपेन्द्रबहादुर खत्री, चितवनका नवीनकुमार गुरुङ, दोलखाका सुवर्ण खड्का, काठमाडौंका महेश्वर महर्जन र रुपन्देहीका विजेन्द्रमान श्रेष्ठबीच उपाधि भिडन्त हुने भएको छ ।

भक्तपुरका प्रवेश श्रेष्ठ, काठमाडौंका नरेश मालाकार, ललितपुरका अमर डंगोल, रुपन्देहीका अनिल थापा र सुनसरीका पारस भुजेल ८० केजीको फाइनलमा पुगे । ८० केजीमाथि चितवनका अनिलकुमार थापा, झापाका तुल श्रेष्ठ, काठमाडौंका विजयत्तमरत्न वज्राचार्य, ललितपुरका प्रनण शाही र नुवाकोटका तिलक तामाङ फाइनलमा प्रवेश गरेका छन् ।

आश्विन २१।  विश्व फुटबलको नियमक निकाय फिफाको अध्यक्ष सेप ब्लाटर अस्थायी रुपमा ९० दिनका लागि निलम्बनमा परेका छन् ।

स्विट्जरल्याण्डका जाँचकर्ताहरुले ७९ वर्षीय ब्लाटरविरुद्ध आपराधिक जाँच सुरु गरेका थिए । लगतै फिफाको अनुशासन समितिले ब्लाटरलाई ९० दिनका लागि निलम्बन गरेको बीबीसीले जनाएको छ ।

यद्यपि औपचारिक निर्णय शुक्रबार मात्र हुने बताइएको छ । ब्लाटरका सल्लाहकार क्लास स्टाकरका अनुसार निलम्बनबारे जानकारी गराउँदा उनी शान्त थिए ।

युरोपियन फुटबल (यूएईएफ)का अध्यक्ष मिचेल प्लाटिनीले ब्लाटरमाथि फिफको हितलाई बेवास्ता गरेको आरोप लगाएका छन् ।

स्विट्जरल्याण्डका ब्लाटर सन् १९९८ देखि फिफाको अध्यक्ष छन् । र, उनले सबै आरोप अस्वीकार गर्दै आएका छन् ।